ભાવનગર પવિત્ર શ્રાવણ માસમાં વલભીપુરના હજારો વર્ષ જુના બે શિવલિંગો ગામ લોકો માટે ખૂબ પ્રિય છે (Siddheshwara and Buddheshwara Mahadev ). સીધેશ્વર અને બુદ્ધેશ્વર મહાદેવની કોઈ પણ માનતા રાખવામાં આવે તો મહાદેવ તેની ઈચ્છાઓ જરૂર પૂર્ણ કરે છે. સીધેશ્વર અને બુદ્ધેશ્વર મહાદેવ બંને 200થી 500 ડગલના અંતરે સામ સામે આવેલા છે ( history of Shivling in Vallabhi Nagar). સીધેશ્વર મહાદેવ અને બુદ્ધેશ્વર મહાદેવની શિવલિંગનો કલર રાખોડી એક સમાન છે. બંને શિવલિંગ આકારમાં એક સરખા છે. કોઈ પણ માણસ બંને શિવલિંગમાં બાથમાં એટલે બે હાથ ભેગા કરીને ભેટવાની કોશિશ કરે તો શક્ય નથી કારણ એટલે જે બંને શિવલિંગ આકારમાં ખૂબ મોટા છે. સીધેશ્વર મહાદેવ ભગવાનનું સૌથી મોટું રૂપ શિવલિંગમાં પૌરાણિક અને સ્વયંભૂ અવસ્થામાં હોય તો એક માત્ર સીધેશ્વર અને બુદ્ધેશ્વર મહાદેવ છે. બંને શિવલિંગની સ્થાપના ક્યારે થઈ અને કોણે કઈ તેનો કોઈ ઇતિહાસ નથી.
શિવલિંગના ઇતિહાસ સીધ્ધેશ્વર મહાદેવની સામે બેઠેલો પોઠીયો જરુર આવનાર ભક્તોનું ધ્યાન ખેંચે છે. બીજો પોઠીયો લાડવા ખાતો હોય તેવો જોવા મળે છે. સત્ય એક જ છે કે વલભી નગરી બાદ આવતા શાસનોમાં એક મહાકાય પોઠીયો હતો જે સ્વયંભૂ સિધ્ધેશ્વર મહાદેવ સામે બેઠી રહેતો હતો. પરંતુ મુગલ શાસનમાં પોઠિયાને વલભીપુર પાસેથી નીકળતી નદીમાં ઘડ કાપીને ફેકી દેવામાં આવ્યો હતો. નદીના પટમાંથી ધડ વગરનું શરીર મળી આવ્યું હતું. બાદના રાજાએ પોઠિયાના શરીર પર પથ્થરનું લાડવા ખાતું માથું લગાડવામાં આવ્યું હતું.
લોકવાયકા પર એક નજર વલ્લભી નગરી હતી તે પહેલાના આ શિવલિંગ હોવાનું અને સ્વયંભૂ શિવલિંગ હોવાનું માનવામાં આવે છે. 2000 વર્ષ પહેલાં વલ્લભી નગરી દરમિયાન પણ આ શિવલિંગ હોવાનું કહેવામાં આવે છે. બંન્ને શિવલિંગનું મહત્વ છે. સીધેશ્વર ભગવાનને જળ ચડાવવા કે પૂજા માટે માણસે પાંચ પગથિયાં ચડીને ઊંચાઈએ જવું પડે છે તો બુદ્ધધેશ્વર મહાદેવની પૂજા અર્ચના માટે પાંચ પગથિયાં જમીનમાં ઉતરવું પડે છે. લોકવાયકા પ્રમાણે એક સીધેશ્વર શિવલિંગ બહાર આવે છે અને બુદ્ધેશ્વર મહાદેવની લિંગ જમીનમાં ધસે છે. જ્યારે સીધેશ્વરની ઊંચાઈ વધશે અને પૂજા નહિ થાય અને બુદ્ધેશ્વરની શિવલિંગ જમીનમાં નહિ દેખાય ત્યારે પૃથ્વીના પ્રલય થશે તેવી લોકવાયકા પણ છે.
