મુંબઈ ઉત્તરપૂર્વના સાંસદ મનોજ કોટકની અમદાવાદની મુલાકાતઃ પેટા ચૂંટણીમાં ભાજપની જીતનો વિશ્વાસ વ્યક્ત કર્યો

મુંબઈ નોર્થઈસ્ટ લોકસભાના સાંસદ મનોજ કોટક આજે મંગળવારે અમદાવાદની મુલાકાતે આવ્યાં છે. પોતાની માતૃસંસ્થા લોહાણા મહાપરિષદ કાર્યાલયની મુલાકાત દરમિયાન તેમણે લોહાણા સમાજના આગેવાનો સાથે મુલાકાત કરી હતી અને સમાજના વિકાસ માટેની ચર્ચા કરી હતી. આગામી પેટા ચૂંટણીમાં ભાજપ તમામ 8 બેઠકો જીતશે તેવો તેમણે વિશ્વાસ વ્યક્ત કર્યો હતો.

• મુંબઈ નોર્થઈસ્ટ લોકસભાના સાંસદ મનોજ કોટક અમદાવાદમાં
• માતૃસંસ્થાની મુલાકાતે આવ્યાં સાંસદ
• પેટાચૂંટણીમાં 8 બેઠકો ભાજપ જીતશે તેવો વિશ્વાસ વ્યક્ત કર્યો
  
  અમદાવાદઃ સાસંદ મનોજ કોટક પોતાની માતૃસંસ્થાની મુલાકાત દરમિયાન સામાજિક આગેવાનો સાથે મુલાકાત કરી હતી અને લોહાણા સમાજ દ્વારા આગામી સમયમાં શિક્ષણ અને પર્યાવરણ ક્ષેત્રે કરવામાં આવનારા કાર્યો માટે રૂપરેખા તૈયાર કરી હતી. સાંસદ મનોજ કોટકે પેટાચૂંટણી અંગે નિવેદન આપતાં જણાવ્યું હતું કે, ગુજરાત વડાપ્રધાન મોદીનું ગૃહરાજ્ય છે જેથી ભાજપ તમામ બેઠકો જીતશે.

• અંબાજી દર્શને પણ જશે
  અમદાવાદની મુલાકાત બાદ સાંસદ મનોજ કોટક અંબાજી ખાતે મા અંબાના દર્શને જશે. આવનારા સમયમાં અયોધ્યામાં લોહાણા સમાજ દ્વારા કરવામાં આવનારા સામાજિક કાર્યો અંગે પણ ચર્ચા કરશે.