Heavy rainfall forecast in Gujarat: રાજ્યમાં ભારે વરસાદની આગાહી, માછીમારોને દરિયો ન ખેડવા સૂચના

ગુજરાતમાં આગામી ત્રણ દિવસ ભારેથી અતિભારે વરસાદની હવામાન વિભાગે આગાહી ( Heavy rainfall forecast in Gujarat ) કરી છે. ખાસ કરીને દક્ષિણ ગુજરાત અને સૌરાષ્ટ્રમાં ભારે વરસાદ પડશે. તેમજ માછીમારોને 16 જુલાઈ સુધી દરિયો ન ખેડવા વોર્નિંગ ઈશ્યૂ કરવામાં આવી છે.ત્યારે મોરબી નવલખી પોર્ટ પર ત્રણ નંબરનું સિગ્નલ લગાવામાં આવ્યું છે તો આ સાથે જ જામનગર દ્વારકામાં પણ ત્રણ નંબરનું સિગ્નલ લગાવામાં આવ્યું છે.દરિયામાં લો પ્રેશર સર્જાતા ભારે પવન સાથે વરસાદની આગાહી જણાવી છે.

• ગુજરાતમાં ભારે વરસાદની ( Heavy rainfall ) આગાહી
• માછીમારોએ દરિયો ન ખેડવા વોર્નિગ
• દક્ષિણ ગુજરાત અને સૌરાષ્ટ્રમાં ભારે વરસાદ
  
  અમદાવાદ : બંગાળની ખાડીમાં સર્જાયેલ લૉ પ્રેશરને કારણે ગુજરાતના દક્ષિણ ગુજરાત અને સૌરાષ્ટ્રમાં 13 જુલાઈએ ભારેથી અતિભારે વરસાદ પડવાની આગાહી ( Heavy rainfall forecast in Gujarat ) હવામાન વિભાગે કરી છે. તેમજ 14 જુલાઈથી સમગ્ર ગુજરાતમાં વરસાદ આવશે. તેમાં ઉત્તર ગુજરાતને પણ આવરી લેશે.જોકે ભારે વરસાદની આગાહી વચ્ચે માછીમારોને દરિયો ન ખેડવા સૂચના આપવામાં આવી છે.
  
  વાવેતરને જીવતદાન મળ્યું, જગતનો તાત ખુશ
  

હવામાન વિભાગના જણાવ્યા અનુસાર, પાંચ દિવસ સુધી વરસાદી સિસ્ટમ કાર્યરત રહશે. પણ આગામી ત્રણ દિવસ ભારેથી અતિભારે વરસાદ ( Heavy rainfall forecast in Gujarat ) પડી શકે છે. તેમજ માછીમારોએ 12 જુલાઈથી 16 જુલાઈ સુધી દરિયો ન ખેડવા સૂચના અપાઇ છે.અષાઢ મહિનો બેઠોને ચોમાસાનું આગમન થયું છે. રથયાત્રા પૂર્વે જ મેઘો મહેરબાન થતાં જગતનો તાત ખુશ થયો હતો. જો વરસાદ મોડો આવ્યો હોત અને હજી વધુ પાંચ દિવસ ખેંચાયો હોત તો વાવણી કરેલું અનાજ બળી જાત. પણ વરસાદે લાજ રાખી છે અને વાવેતરને જીવતદાન મળ્યું છે.

રાજ્યમાં ભારે વરસાદની આગાહી

બફારામાં રાહત થઈ21 જૂન પછી વરસાદ ખેંચાયો હતો. ગરમીનું પ્રમાણ વધ્યું હતું અને છેલ્લાં પંદર દિવસથી બફારાનું પ્રમાણ પણ વધ્યું હતું. જો કે અષાઢ સુદ એકમના દિવસે વરસાદ શરૂ થતાં વાતાવરણમાં ઠંડક પ્રસરી હતી અને શહેરીજનોઓ બાફમાંથી છૂટકારો મેળવ્યો હતો.

આ પણ વાંચોઃ વરસાદની આગાહી અને રોટલો પદ્ધતિ, જાણો વરસાદ જાણવાની અનોખી પરંપરા....

આ પણ વાંચોઃ હિમાચલ પ્રદેશ : ભારે વરસાદને કારણે ધર્મશાળામાં તારાજી સર્જાઈ