અમદાવાદ : ભૂપેન્દ્ર પટેલ નવી સરકાર રચાયા બાદ પ્રથમ વખત ભાજપ પ્રદેશ પ્રભારી ભૂપેન્દ્ર યાદવ ગુજરાતની મુલાકાતે (Bhupendra Yadav Visit to Gujarat) આવ્યા છે. બે દિવસમાં સરકાર અને સંગઠનમાં બેઠકનો ધમધમાટ રહેશે. જેમાં ભાજપ પ્રદેશ પ્રભારી ભુપેન્દ્ર યાદવ અને પ્રદેશ અધ્યક્ષ સી.આર.પાટીલની અધ્યક્ષતામાં ભાજપની (Bharatiya Janata Party) બેઠક પ્રદેશ કાર્યાલય કમલમ ખાતે મળી હતી. જેમાં પ્રદેશના પદાધિકારીઓ અને વિવિધ મોરચામાં અધ્યક્ષો સાથે મળીને સંગઠનની બાબતો પર ચર્ચા કરવામાં આવી હતી. ઉલ્લેખનીય છે કે આગામી વિધાનસભાની ચૂંટણી લઈને મહત્વની બેઠક માનવામાં આવે છે.
આ પણ વાંચો : Gujarat Assembly Election 2022: ભાજપ પ્રદેશ પ્રભારી ભુપેન્દ્ર યાદવ પ્રદેશનો વિસ્તૃત અહેવાલ હાઇકમાન્ડને સોંપશે
અગામી કાર્યકમોની ચર્ચા કરવામાં આવી - આ બેઠકમાં પક્ષના પ્રભારીઓના વિસ્તુરત પ્રવાસ અંગે (Bhupendra Yadav and CR Patil Meeting) ચર્ચા થઈ હોવાનું માનવામાં આવે છે. આગામી સમયમાં પક્ષના કાર્યકમોના આયોજનની ચર્ચા કરવામાં આવી હતી. ત્યારબાદ મુખ્યપ્રધાનના નિવાસસ્થાને પ્રભારીની રાજ્યના પ્રધાન મંડળ સાથેની પણ બેઠકનું આયોજન કરાયું હતું. જેમાં ભાજપની કોર કમિટી પણ ઉપસ્થિત હતી.
પ્રભારીની 7-8 બેઠકો - ગુજરાત વિધાનસભાની ચૂંટણીને (Gujarat Assembly Election 2022) લઈને ભાજપ દ્વારા હવે તડામાર તૈયારીઓ ચાલુ થઈ છે. ત્યારે વિવિધ ગ્રુપ સાથે આ પ્રભારીની 7-8 બેઠકો મળી હતી. જેમાં જુદા-જુદા વિષયો પર વિસ્તૃત ચર્ચા દ્વારા ભુપેન્દ્ર યાદવે પરિસ્થિતિનો તાગ મેળવ્યો હતો. આ કાર્યકમો બાબતે અનેક સૂચનો પણ પ્રભારીએ કર્યા હતા. આ ઉપરાંત ભાજપની આ બેઠકોને લઈને વિપક્ષમાં પણ ભારે હલચલ જોવા મળી રહી છે.
