GTUને મળ્યું રાજ્યની સૌથી મોટી ટેક્નોલોજિકલ યુનિવર્સિટીનું બહુમાન

રાજ્યની સૌથી મોટી ટેક્નોલોજિકલ યુનિવર્સિટીનું બહુમાન ગુજરાત ટેક્નોલોજિકલ યુનિવર્સિટીના ફાળે જાય છે. છેલ્લા એક દાયકા કરતા પણ વધુ સમયથી સમગ્ર રાજ્ય તેમ જ દેશ-વિદેશમાં ટેક્નિકલ શિક્ષણના પ્રચાર અને પ્રસાર માટે GTU કાર્યરત છે. 22 દેશોના 82 વિદ્યાર્થીઓએ GTU સંલગ્ન કોલેજોમાં પ્રવેશ મેળવ્યો હતો. સૌથી વધુ વિદેશી વિદ્યાર્થીઓ ધરાવતી ગુજરાતની એક માત્ર ટેકનોલોજિકલ યુનિવર્સિટી બની GTUમાં 48 દેશના 828થી પણ વધુ વિદ્યાર્થીઓ અભ્યાસ કરી ચૂક્યા છે.

• GTUને મળ્યું રાજ્યની સૌથી મોટી ટેક્નોલોજિકલ યુનિવર્સિટીનું બહુમાન
• 22 દેશના 82 વિદ્યાર્થીઓએ પ્રવેશ મેળવ્યો છે
• જીટીયુ હંમેશા અગ્રેસર રહે છેઃ જીટીયુ કુલપતિ

અમદાવાદઃ વર્ષ-2013થી ટેક્નોલોજિકલ યુનિવર્સિટીમાં વિદેશી વિદ્યાર્થીઓના પ્રવેશ આપવા બાબતે જીટીયુ સમગ્ર રાજ્યમાં પ્રથમ હરોળમાં સ્થાન પ્રાપ્ત કરે છે. ચાલુ શૈક્ષણિક વર્ષમાં GTUમાં વિવિધ 22 દેશોના 82 વિદ્યાર્થીઓએ પ્રવેશ મેળવ્યો છે. અત્યાર સુધી GTUમાં 48 દેશના 828થી પણ વધુ વિદ્યાર્થીઓ અભ્યાસ કરી ચૂક્યા છે. આ સંદર્ભે GTUના કુલપતિ પ્રો. ડૉ. નવીન શેઠે જણાવ્યું કે, ટેક્નિકલ શિક્ષણ ક્ષેત્રે સમગ્ર દેશ અને આંતરરાષ્ટ્રીય સ્તર પર જીટીયુ હંમેશા અગ્રેસર રહે છે. તેના પરિણામ સ્વરૂપે સતત 3 વર્ષથી વિદેશી વિદ્યાર્થી માટે જીટીયુમાં પ્રવેશ મેળવવા માટેની પ્રથમ પસંદગી હોય છે.

GTUને મળ્યું રાજ્યની સૌથી મોટી ટેક્નોલોજિકલ યુનિવર્સિટીનું બહુમાન

દેશની વિવિધ 17 ગવર્મેન્ટ યુનિવર્સિટીમાં વિદેશી વિદ્યાર્થીઓને પ્રવેશ આપવામાં આવ્યોGTUના કુલસચિવ ડૉ. કે. એન. ખેરે પણ પ્રવેશ મેળવનારા તમામ વિદ્યાર્થીઓને ઉજ્જવળ ભવિષ્ય માટેની શુભકામના પાઠવી હતી. ભારત સરકારની ઈન્ડિયન કાઉન્સીલ ફોર કલ્ચરલ રિલેશન દ્વારા દેશની વિવિધ 17 ગવર્મેન્ટ યુનિવર્સિટીમાં વિદેશી વિદ્યાર્થીઓને પ્રવેશ આપવામાં આવ્યો છે, જેમાં 3 ટેક્નોલોજિકલ યુનિવર્સિટીનો સમાવેશ થાય છે. ગુજરાતમાંથી GTU એક માત્ર યુનિવર્સિટી છે, જેમાં વિશેષ પ્રમાણમાં વિદેશી વિદ્યાર્થીઓએ પ્રવેશ મેળવ્યો છે. અફઘાનિસ્તાન, નામ્બિયા, મોઝામ્બિક, અંગોલા, બાંગ્લાદેશ, ઈથોપિયા, કેન્યા, મડાગાસ્કર, સાઉથ સૂડાન, સ્વાઝિલેન્ડ, યુગાન્ડા સહિતના 22 દેશના 82 વિદ્યાર્થીઓએ ચાલુ શૈક્ષણિક વર્ષમાં GTU સંલગ્ન કૉલેજોમાં પ્રવેશ મેળવ્યો છે. આ સાથે જ ટેક્નિકલ એજ્યુકેશન ક્ષેત્રે છેલ્લા 7 વર્ષથી સૌથી વધારે વિદેશી વિદ્યાર્થીઓએ ધરાવતી યુનિવર્સિટી તરીકે જીટીયુ નામ પ્રથમ હરોળમાં આવે છે. આ અંગે ડિપાર્ટમેન્ટ ઑફ ઈન્ટરનેશનલ રિલેશનના હેડ ડૉ. કેયુર દરજીએ જણાવ્યું હતું કે, GTUમાં DIR અંતર્ગત સમગ્ર રાજ્યમાં એક માત્ર આઈટી બેઝ્ડ ફોરેન સ્ટૂડન્ટ સેલ કાર્યરત છે, જેમાં વિદેશી વિદ્યાર્થીઓના પ્રવેશથી લઈને ડિગ્રી સુધીની તમામ અદ્યતન સવલતો પૂરી પાડવામાં આવે છે. પેન્ડામિક સમયમાં પણ વિવિધ શાખાઓમાં પ્રવેશ મેળવનાર પ્રથમ સેમેસ્ટરના 82 વિદ્યાર્થીઓ ઓનલાઈન શિક્ષણ મેળવી રહ્યા છે.કઈ વિદ્યાશાખામાં કેટલા વિદ્યાર્થી ?

ફેકલ્ટી	વિદ્યાર્થીની સંખ્યા
બેચલર ઓફ એન્જિનિયર	55
બેચલર ઓફ ફાર્મસી	01
માસ્ટર્સ ઓફ એન્જિનિયર	15
એમબીએ	05
એમસીએ	03
માસ્ટર્સ ઓફ ફાર્મસી	01
પીએચડી	02
કુલ	82

ક્યાં વર્ષમાં કેટલા વિદેશી વિદ્યાર્થીઓએ પ્રવેશ લીધો ?

શૈક્ષણિક વર્ષ	વિદ્યાર્થીઓની સંખ્યા
2013-14	135
2014-15	63
2015-16	122
2016-17	213
2017-18	95
2018-19	52
2019- 20	67
2020-21	82

વિદેશી યુનિવર્સિટીઓ સાથેના MoUનો લાભ પણ પ્રવેશ મેળનાર તમામ વિદ્યાર્થીઓને મળશે
લૉકડાઉન સમયમાં પણ GTUમાં અભ્યાસ કરતાં વિદેશી વિદ્યાર્થીઓ માટે તમામ પ્રકારની રહેવા-જમવા સાથેની સુવિધા જીટીયુ દ્વારા કરવામાં આવી હતી. આ ઉપરાંત વિદેશી વિદ્યાર્થીઓની અંતિમ વર્ષની પરીક્ષા પણ ઓનલાઈન લઈને તેમની કારકિર્દી માટેના ઉત્તમ નિર્ણય જીટીયુ દ્વારા કરવામાં આવેલા છે. આગામી દિવસોમાં પરિસ્થિતિને ધ્યાનમાં રાખીને સરકારની ગાઈડલાઈન મુજબ ઓફલાઈન ક્લાસ શરૂ થતાં વિદ્યાર્થીઓ GTU ખાતે હાજર થશે. GTU દ્વારા કરવામાં આવેલા વિદેશી યુનિવર્સિટીઓ સાથેના MoUનો લાભ પણ પ્રવેશ મેળનાર તમામ વિદ્યાર્થીઓને મળશે.