અમદાવાદ વૈશ્વિક શેરબજાર (World Stock Market) તરફથી નબળા સંકેત મળી રહ્યા છે. ત્યારે સપ્તાહના ત્રીજા દિવસે આજે (બુધવારે) ભારતીય શેરબજારની શરૂઆત (Stock Market India) ઉછાળા સાથે થઈ છે. આજે સવારે 9.22 વાગ્યે બોમ્બે સ્ટોક એક્સચેન્જનો સેન્સેક્સ (Bombay Stock Exchange News) 131.94 પોઈન્ટ (0.23 ટકા)ના વધારા સાથે 57,279.26ના સ્તર પર વેપાર કરી રહ્યો હતો. જ્યારે નેશનલ સ્ટોક એક્સચેન્જનો નિફ્ટી (National Stock Exchange News) 24.80 પોઈન્ટ (0.15 ટકા)ના સામાન્ય ઉછાળા સાથે 17,008.30ના સ્તર પર જોવા મળ્યો હતો.
વૈશ્વિક બજારની સ્થિતિ આજે એશિયન બજારમાં (World Stock Market) મિશ્ર વેપાર જોવા મળ્યો છે. તો એસજીએક્સ નિફ્ટી 73.50 પોઈન્ટ ઉછળ્યો છે. જ્યારે નિક્કેઈ 0.14 ટકાના ઘટાડા સાથે 26,364.25ની આસપાસ જોવા મળી રહ્યો છે. તો સ્ટ્રેઈટ ટાઈમ્સમાં 0.66 ટકાની નબળાઈ જોવા મળી રહી છે. બીજી તરફ તાઈવાનનું બજાર 0.15 ટકાના ઘટાડા સાથે 13,086.33ના સ્તર પર તો હેંગસેંગ 2.06 ટકાના ઘટાડા સાથે 16,486.02ના સ્તર પર જોવા મળી રહ્યો છે. આ ઉપરાંત કોસ્પીમાં 0.20 ટકાના ઘટાડા સાથે વેપાર થઈ રહ્યો છે. જ્યારે શાંઘાઈ કોમ્પોઝિટ 1.10 ટકાના ઘટાડા સાથે 2,947.05ના સ્તર પર વેપાર કરી રહ્યો છે.
ટોપ ગેઈનર્સ આજે એચસીએલ ટેક (HCL Tech), પાવરગ્રીડ કોર્પ (Power Grid Corp), બીપીસીએલ (BPCL), એનટીપીસી (NTPC) અને એમ એન્ડ એમ (M&M) જેવા સ્ટોક્સ ટોપ ગેઈનર્સમાં જોવા મળી રહ્યા હોવાથી આ સ્ટોક્સ ચર્ચામાં રહેશે.
