ત્રિશૂર : કેરળના ત્રિશૂર જિલ્લાના કુન્નમકુલમ વિસ્તારમાંથી એક મહિલાની મિલકત ખાતર તેની ચામાં ઉંદરનું ઝેર ભેળવીને તેની માતાની હત્યા (Woman poisons mother for property arrested) કરવાના આરોપમાં ધરપકડ કરવામાં આવી છે. કુન્નમકુલમ પોલીસ સ્ટેશનના વરિષ્ઠ અધિકારીએ જણાવ્યું કે, ધરપકડ ગુરુવારે વહેલી સવારે નોંધવામાં આવી હતી અને મહિલાને દિવસ દરમિયાન કોર્ટમાં રજૂ કરવામાં આવશે.
આ પણ વાંચોઃ અગ્નિપથ યોજના અંગે આજે દિલ્હી હાઈકોર્ટમાં થઈ શકે ફેંસલો
પોલીસે જણાવ્યું કે, આરોપીની માતાને 18 ઓગસ્ટે ચા પીધા પછી હોસ્પિટલમાં દાખલ કરવામાં આવી હતી અને બે હોસ્પિટલોમાં તેઓ જાણી શક્યા ન હતા કે શું ખોટું હતું. ત્રીજી હોસ્પિટલમાં, તેઓને ઝેરની શંકા હતી પરંતુ કંઈ થાય તે પહેલાં તેણીનું મૃત્યુ થયું. ત્યારબાદ, બુધવારે હાથ ધરવામાં આવેલા પોસ્ટમોર્ટમમાં પીડિતાના શરીરમાં ઉંદરના ઝેરની હાજરી બહાર આવી હતી, જેના કારણે પુત્રીની પૂછપરછ (kerla killer daughter ) કરવામાં આવી હતી.
આ પણ વાંચોઃ CSની પરીક્ષામાં ગુજરાતની દીકરી દેશમાં પ્રથમ, શું છે તેનો અકસીર ફોર્મ્યુલા
પૂછપરછ દરમિયાન, તેણીએ કબૂલ્યું હતું કે, તેણીએ મિલકત મેળવવા માટે તેણીની માતાની હત્યા કરી હતી, જે તેણીને તેમની ઇચ્છા અનુસાર તેના માતાપિતાના મૃત્યુ પછી જ મળવાની હતી. પુત્રી, જે પરિણીત છે અને બે બાળકો છે, તેણે દાવો કર્યો હતો કે તેણી ભારે આર્થિક સંકડામણ હેઠળ હોવાથી તેણે આવું આત્યંતિક પગલું ભર્યું હતું.
12 વર્ષથી માતા-પિતા સાથે રહેતી હતીઃ તેના પિતાએ દાવો કર્યો છે કે, તેને ભોજન અને ચાના સ્વાદમાં થોડો ફેરફાર જોવા મળ્યો હતો અને તેથી તેણે તે પીધું નહોતું. જો કે, તબીબી તપાસમાં તેના શરીરમાં કોઈ ઝેર મળી આવ્યું ન હતું. પોલીસે જણાવ્યું કે, આરોપીનો પતિ ગલ્ફ કન્ટ્રીમાં કામ કરે છે અને તેથી તે તેના બે બાળકો સાથે છેલ્લા 12 વર્ષથી તેના માતા-પિતા સાથે રહેતી હતી.
