કોલકાતા : એક મહિલા પર અત્યંત ગરીબીના કારણે પોતાની 21 દિવસની પુત્રીને વેચી દેવાનો આરોપ છે. પશ્ચિમ બંગાળની રાજધાની કોલકાતામાં મંગળવારે આ ચોંકાવનારી ઘટના સામે આવી છે.આ મામલામાં માતા સહિત છ લોકોની ધરપકડ થઈ ચૂકી છે. ધરપકડ કરાયેલા લોકોમાં રૂપાલી મંડલ, રૂપા દાસ, સ્વપ્ન સરદાર, પૂર્ણિમા કુંડુ, કલ્યાણી ગુહા અને લલિતા ડેનો સમાવેશ થાય છે.
21 દિવસની પુત્રીનો કર્યો સોદો : પોલીસ તપાસમાં સામે આવ્યું છે કે રૂપાલી નોનાડાંગા રેલવે કોલોનીમાં ભાડાના મકાનમાં રહેતી હતી. તેણે કથિત રીતે તેની પુત્રી કલ્યાણી ગુહાને 4 લાખ રૂપિયામાં વેચી દીધી હતી. પોલીસે બાળકીને કલ્યાણી ગુહા પાસેથી બચાવી લીધી અને બાળકીને ઘરે મોકલી દેવામાં આવશે. આ સંદર્ભે, કોલકાતા પોલીસના ડીસી (ઇડી) અરીશ બિલાલે ઇટીવી ભારતને જણાવ્યું હતું કે 21 દિવસની પુત્રીની આરોપી માતા રૂપાલી મંડલની ધરપકડ કરવામાં આવી છે.
છ લોકોની ધરપકડ : પોલીસે કહ્યું કે, મંગળવારે કોલકાતા પોલીસ ધરપકડ કરાયેલા આરોપીને અલીપોર કોર્ટમાં રજૂ કરશે અને તેની કસ્ટડીની માંગણી કરશે. આણંદપુર પોલીસ સ્ટેશનમાં માનવ તસ્કરીનો કેસ નોંધાયેલો છે. પોલીસ સ્ટેશનની મહિલા પોલીસકર્મીઓ આરોપી માતાની પૂછપરછ કરી રહી છે. પોલીસને આશંકા છે કે આ સમગ્ર ઘટનામાં આંતરરાષ્ટ્રીય મહિલા તસ્કરી ગેંગ સામેલ હોઈ શકે છે. શંકાના આધારે ધરપકડ કરાયેલી કુલ પાંચ મહિલાઓની અલગ-અલગ પૂછપરછ કરવામાં આવી રહી છે.
4 લાખમાં સોદો કર્યો : કોલકાતા પોલીસના ડીસી (ઈડી)એ કહ્યું કે, આ ઘટનામાં અન્ય કોણ સામેલ છે તે શોધવાના પ્રયાસો ચાલુ છે. પોલીસ સૂત્રોના જણાવ્યા અનુસાર, તેઓએ કોલકાતાના બ્લોક-સી-6માંથી રૂપાલી મંડલની ધરપકડ કરી છે. તે નોનાડાંગા રેલ કોલોની વિસ્તારમાં હંગામી ધોરણે ભાડે રહે છે. પટુલીની રૂપા દાસ નામની મહિલાની પણ ધરપકડ કરવામાં આવી હતી. સ્વપ્ના સરદારની બાઘામાંથી, જતીન પૂર્ણિમા કુંડુની લોહાપૂલ બ્રિજ નંબર-4 પરથી ધરપકડ કરવામાં આવી હતી.
પોલિસ વધું તપાસ હાથ ધરશે : આ સિવાય લલિતા ડેની બાબા ચરણ રોય રોડથી અને કલ્યાણી ગુહાની પર્ણશ્રી પોલીસ સ્ટેશન વિસ્તારમાંથી ધરપકડ કરવામાં આવી હતી. પોલીસને તપાસમાં જાણવા મળ્યું હતું કે રૂપાલીની પુત્રીના વેચાણમાં બાકીના પાંચે વચેટિયાની ભૂમિકા ભજવી હતી. કોલકાતા પોલીસ હેડક્વાર્ટર લાલબજાર સૂત્રોના જણાવ્યા અનુસાર, કલ્યાણી ગુહા ભલે કોલકાતાના સોનાડાંગા વિસ્તારમાં ભાડાના મકાનમાં અસ્થાયી રૂપે રહેતી હોય, પરંતુ વાસ્તવમાં તે પૂર્વ મિદનાપુર વિસ્તારની રહેવાસી છે.
