સુલતાનપુરઃ જિલ્લામાં એક હૃદયદ્રાવક ઘટના સામે આવી છે. કુરેભર પોલીસ સ્ટેશન વિસ્તારમાં એક પતિએ પોતાની પત્નીની કારમાં હત્યા કરી નાખી છે. પત્નીના ચારિત્ર્ય પર શંકા જતાં પતિએ તેનું ગળું દબાવીને હત્યા કરી હતી. પત્નીની હત્યા કર્યા બાદ પતિ કલાકો સુધી પત્નીની લાશ સાથે બેસી રહ્યો હતો. આ દરમિયાન કારમાં તેના બે માસુમ બાળકો પણ હાજર હતા, જેઓ ડરીને પોતાની માતાની લાશ સાથે કારમાં બેસી ગયા હતા. સ્થળ પરથી પસાર થતી યુપીડીએની પેટ્રોલીંગ ટીમે વાહનને શંકાસ્પદ હાલતમાં જોતા પૂછપરછ કરી અને કારનો દરવાજો ખોલવાનું કહ્યું હતું. કારના કાચમાંથી અંદર ડોકિયું કરતાં પોલીસના હોશ ઉડી ગયા હતા. પોલીસે કારના કાચ તોડી હત્યારા પતિની ધરપકડ કરી હતી.
બાળકોની સામે થઇ માતાની હત્યા : હકીકતમાં, ઉન્નાવ જિલ્લાના સફીપુરના રહેવાસી દિનેશ ચંદ્ર મિશ્રાના પુત્ર રાહુલ મિશ્રા (37 વર્ષ)એ વર્ષ 2008માં પ્રેમ લગ્ન કર્યા હતા. આ મહિલા રાયબરેલીના માઈલ એરિયા પોલીસ સ્ટેશન વિસ્તારની રહેવાસી હતી. મહિલાના પિતાએ જણાવ્યું કે, રાહુલ શરૂઆતથી જ તેની પુત્રીના ચારિત્ર્ય પર શંકા કરતો હતો. આ બાબતે બંને વચ્ચે લડાઈ ચાલતી હતી. રાહુલ તેના પરિવાર સાથે લખનઉમાં રહેતો હતો. શનિવારે તે પોતાની પત્ની અને બે બાળકો સાથે રાયબરેલી જવા માટે કારમાં લખનૌથી નીકળ્યો હતો, પરંતુ ત્યાં જવાને બદલે તેણે કાર લઈને પૂર્વાંચલ એક્સપ્રેસ વે પર જતો રહ્યો હતો. મેજેશ ચારરસ્તા પાસે કાર સાઇડમાં મૂકી હતી. આ પછી, તેણે બંને બાળકોની સામે તેની પત્નીનું ગળું દબાવીને હત્યા કરી દીધી અને મૃતદેહ અને બંને બાળકો સાથે કારમાં બેસી ગયો.
પતિએ કરી પત્નીની હત્યા : મામલાના સંદર્ભમાં, ન્યાયક્ષેત્રના અધિકારી બલદીરાઈ રમેશ કુમારે જણાવ્યું કે, 13 ઓગસ્ટ, 2022ના રોજ ઉન્નાવ જિલ્લાના રહેવાસી રાહુલ મિશ્રા તેની પત્ની સાથે પૂર્વાંચલ એક્સપ્રેસ વે પર આવી રહ્યા હતા. રાહુલે તેની પત્નીનું તેમના બે બાળકોની સામે કારમાં ગળું દબાવી હત્યા કરી હતી. જ્યારે UPDAની પેટ્રોલિંગ ટીમ ત્યાં પહોંચી તો તેમણે વાહનને શંકાસ્પદ હાલતમાં જોયુ અને તપાસ માટે પહોંચી હતી.
પોલિસે તપાસ શરુ કરી : ન્યાયક્ષેત્રના અધિકારી બલદીરાઈના જણાવ્યા અનુસાર, જ્યારે પોલીસ ટીમે તેને કાર ખોલવાનું કહ્યું ત્યારે તેણે કારનો દરવાજો ન ખોલ્યો. આ પછી કોઈ રીતે કાર ખોલી હતી. કારમાં હાજર બંને બાળકોએ ઘટના અંગે માહિતી આપી હતી. એક બાળકીની ઉંમર 12 વર્ષ અને બીજી બાળકીની ઉંમર 5 વર્ષ છે. પોલીસે રાહુલને કસ્ટડીમાં લીધો છે. રાહુલના સસરાએ તેની સામે પુત્રીની હત્યાની ફરિયાદ આપી છે. પોલીસે મૃતદેહને પોસ્ટમોર્ટમ માટે મોકલી આપ્યો છે. આ મામલે કાયદેસરની કાર્યવાહી હાથ ધરી છે. બંને બાળકોને મેડિકલ કાઉન્સેલિંગ માટે મોકલવામાં આવ્યા છે. પોલીસ આ મામલે તપાસ કરી રહી છે.
