તિરૂમાલા તિરૂપતિ દેવસ્થાનમ દ્વારા અંજનાદ્રી પર્વતમાળાઓ ભગવાન હનુમાનના મૂળ જન્મસ્થાન તરીકે જાહેર કરાશે

આંધ્રપ્રદેશના તિરૂમાલા તિરૂપતિ દેવસ્થાનમ દ્વારા આગામી 21 એપ્રિલે રામનવમીના દિવસે ભગવાન હનુમાનના મૂળ જન્મસ્થાન તરીકે અંજનાદ્રી પર્વતમાળાઓને જાહેર કરવામાં આવશે.

• તિરૂમાલા તિરૂપતિ દેવસ્થાનમ દ્વારા જાહેરાત
• અંજનાદ્રી પર્વતમાળાઓ બનશે ભગવાન હનુમાનનું મૂળ જન્મસ્થાન
• 21 એપ્રિલે રામનવમીના દિવસે કરાશે જાહેરાત

તિરૂપતિ: તિરૂમાલા તિરૂપતિ દેવસ્થાનમ દ્વારા ભગવાન હનુમાનના મૂળ જન્મસ્થાન તરીકે અંજનાદ્રી પર્વતમાળાઓને જાહેર કરવાનું નક્કી કરવામાં આવ્યું છે. આગામી 21 એપ્રિલે રામનવમીના દિવસે મંદિર દ્વારા આ અંગેની સત્તાવાર જાહેરાત થશે.

જગ્યા અંગેના ઐતિહાસિક પુરાવા મળી આવ્યા

આ અંગે તિરૂમાલા તિરૂપતિ દેવસ્થાનમના પ્રવક્તાના જણાવ્યા અનુસાર અંજનાદ્રી પર્વતમાળાઓને ભગવાન હનુમાનના મૂળ જન્મસ્થાન તરીકે જાહેર કરવાનો નિર્ણય ઐતિહાસિક અને ભૂસ્તરીય પુરાવા પરથી લેવામાં આવ્યો છે. આ પહેલા ઉગાદી પર્વ દરમિયાન આ પુરાવાઓ જાહેર કરવાનો નિર્ણય લેવામાં આવ્યો હતો પરંતુ સૌ કોઇ જાણે છે તેમ ભગવાન હનુમાન ભગવાન શ્રીરામના પ્રખર ભક્ત હતા. આથી રામનવમીના દિવસે આ જાહેરાત કરવાનો નિર્ણય લેવામાં આવ્યો છે.

પુરાવાઓની તપાસ માટે કમિટિની થઇ હતી નિમણૂક

તિરૂમાલા તિરૂપતિ દેવસ્થાનમના EO જવાહર રેડ્ડી દ્વારા ડિસેમ્બર 2020માં આ અંગે કમિટિ બેસાડવામાં આવી હતી જેમાં અંજનાદ્રી પર્વતમાળાઓના પુરાવાની ચકાસણી કરવામાં આવી હતી.

આ પણ વાંચો: મંડીમાં બ્યાસ નદીના કાંઠે મળી આવ્યું વર્ષો જૂનું શિવલિંગ