ઉત્તર પ્રદેશ : પેટમાં દુખાવાની સારવાર માટે હોસ્પિટલમાં આવેલી એક યુવતીના પ્રેગ્નન્સી વિશે હોસ્પિટલ સ્ટાફને જાણ થતાં જ ખળભળાટ મચી ગયો હતો. મહિલા તબીબને તાકીદે બોલાવવામાં આવી હતી અને કિશોરીની ડિલિવરી કરાવવામાં આવી હતી. માતા અને બાળક બંને સ્વસ્થ છે.
સારવાર દરમિયાન હકિકત સામે આવી : મિર્ઝાપુર દેહાત કોતવાલી પોલીસ સ્ટેશન વિસ્તારના એક ગામમાં રહેતી 11મા ધોરણની વિદ્યાર્થીનીને ગુરુવારે પેટમાં દુખાવાની સારવાર માટે હોસ્પિટલ પહોંચી હતી. પરિવારજનો તેને જિલ્લા હોસ્પિટલના ટ્રોમા સેન્ટરમાં લઈ ગયા હતા. પરિવારે ડોક્ટરને પેટમાં દુખાવાની વાત જણાવી હતી. ડોક્ટરે બાળકીને તપાસી તો ખબર પડી કે બાળકી છથી સાત માસની ગર્ભવતી છે. આ પછી મહિલા ડોક્ટરને બોલાવીને તપાસ કરવામાં આવી હતી. મોડી સાંજે કિશોરીની ડિલિવરી થઈ હતી. યુવતીએ બાળકને જન્મ આપ્યો હતો.
કિશોરીએ બાળકને જન્મ આપ્યો : મેડિકલ કોલેજના પ્રિન્સિપાલ આરબી કમલે જણાવ્યું કે સગીર વિદ્યાર્થીનીએ હોસ્પિટલની ઈમરજન્સીમાં બાળકોને જન્મ આપ્યો હતો. શરૂઆતમાં વિદ્યાર્થિની અને તેના પરિવારજનોએ તેણી ગર્ભવતી હોવાની હકીકત છુપાવી હતી, પરંતુ તપાસ કરતાં તેના પેટમાં 6 થી 7 મહિનાનું બાળક હતું. આ પછી મહિલા હોસ્પિટલના મહિલા ડોક્ટરને બોલાવીને ડિલિવરી કરાવવામાં આવી હતી. બંને હાલમાં સ્વસ્થ છે. સમગ્ર મામલાની તપાસ કરવામાં આવી રહી છે. સાથે જ પરિવારના સભ્યો પણ સામાજિક પરિસ્થિતિ અંગે કંઈ કહેવા તૈયાર નથી કે હજુ સુધી પોલીસમાં કોઈ ફરિયાદ કરી નથી.
