નવી દિલ્હીઃ છેતરપિંડી અને મની લોન્ડરિંગના કેસમાં જેલમાં બંધ ગેંગસ્ટર સુકેશ ચંદ્રશેખરે દિલ્હીના મુખ્યપ્રધાન અરવિંદ કેજરીવાલ પર મોટો આરોપ લગાવ્યો છે. શુક્રવારે એક કેસની સુનાવણી દરમિયાન પટિયાલા હાઉસ કોર્ટમાં પહોંચેલા સુકેશ ચંદ્રશેખરે બહાર આવતાં મીડિયાને જણાવ્યું હતું કે તેણે અરવિંદ કેજરીવાલના કહેવા પર 2020માં TRS (તેલંગાણા રાષ્ટ્ર સમિતિ) કાર્યાલયને 15 કરોડ રૂપિયા આપ્યા હતા.
આ પણ વાંચો: Congress Leader Kapil Sibal: સિબ્બલે દિગ્વિજયનો માન્યો આભાર કહ્યું, વિદેશ સમર્થનની જરૂર નથી
સત્યેન્દ્ર જૈન સાથેની ચેટ જાહેર: સુકેશે કહ્યું કે, અરવિંદ કેજરીવાલ અને સત્યેન્દ્ર જૈને તેમને આમ કરવાની સૂચના આપી હતી. સુકેશે એમ પણ કહ્યું હતું કે, તે આ અઠવાડિયે સત્યેન્દ્ર જૈન સાથેની ચેટ જાહેર કરશે. છેતરપિંડીના આરોપમાં દિલ્હીની મંડોલી જેલમાં બંધ સુકેશ ચંદ્રશેખર અગાઉ અરવિંદ કેજરીવાલ, મનીષ સિસોદિયા અને સત્યેન્દ્ર જૈન પર આરોપ લગાવી ચૂક્યા છે.
આરોપોને પાયાવિહોણા ગણાવાયાઃ જ્યારે મુખ્યપ્રધાન અરવિંદ કેજરીવાલને આ સંદર્ભે પૂછવામાં આવ્યું ત્યારે તેમણે કહ્યું કે, તમામ આરોપો પાયાવિહોણા છે અને તેઓ ચૂંટણીના ફાયદા માટે ભાજપના ઈશારે આક્ષેપો કરી રહ્યા છે. બીજી તરફ સુકેશે કહ્યું કે, ભાજપે તેમના પર કોઈ દબાણ કર્યું નથી. આ સાથે તેણે એમ પણ કહ્યું હતું કે તેને જેલમાં ધમકાવવામાં આવી રહી છે અને તે પોતાના જીવનું જોખમ અનુભવી રહ્યો છે. જેના કારણે તેણે જેલ ટ્રાન્સફર કરવા માટે અનેક વખત માંગણી પણ કરી છે.
આ પણ વાંચો: Violence on Ram Navami: કોંગ્રેસ નેતા અભિષેક સિંઘવીએ કહ્યું, રમખાણો થતા નથી કરાવવામાં આવે છે
પૈસાની લેવડ-દેવડ અંગે આક્ષેપો: સુકેશે અગાઉ પણ પૈસાની લેવડ-દેવડ અંગે આક્ષેપો કર્યા હતા. તેણે ફાર્મ હાઉસમાં પૈસાની ડીલ વિશે જણાવ્યું. લેફ્ટનન્ટ ગવર્નરે સુકેશ દ્વારા લગાવવામાં આવેલા આરોપોની તપાસ માટે એક સમિતિની પણ રચના કરી હતી. સુકેશે કમિટી સમક્ષ દાવો કર્યો હતો કે તેણે સત્યેન્દ્ર જૈનને 60 કરોડ રૂપિયા રોકડા આપ્યા હતા, જેમાંથી 10 કરોડ રૂપિયા પ્રોટેક્શન મની હતા, જ્યારે 50 કરોડ પાર્ટી ફંડ તરીકે આપવામાં આવ્યા હતા, જેના બદલામાં તેમને રાજ્યસભાની સીટની ખાતરી આપવામાં આવી હતી. નું સંચાલન કરવામાં આવ્યું હતું.
