મુંબઈ : વર્ષના છેલ્લા મહિનાનો પ્રથમ સોમવાર ભારતીય શેરબજારમાં રોનક લઈને આવ્યો છે. ત્રણ રાજ્યોમાં વિધાનસભા ચૂંટણીમાં ભાજપના વિજયની સીધી અસરના ભાગરૂપે ભારતીય શેરબજારના બંને મુખ્ય સૂચકાંક BSE Sensex અને NSE Nifty આજે અનુક્રમે 1384 અને 419 પોઈન્ટ ઉછળીને ઊંચા મથાળે બંધ રહ્યા છે. ઉલ્લેખનિય છે કે, આજે બંને ઈન્ડેક્સ જોરદાર વધારા સાથે ખુલ્યા હતા. ત્યારબાદ શેરબજારમાં ચોતરફ લેવાલીથી રોકાણકારોને તગડો નફો થયો છે.
BSE Sensex : આજે 4 ડિસેમ્બર સોમવારના રોજ BSE Sensex ગતરોજના 67,481 બંધની સામે 954 પોઈન્ટ ઉછળીને 68,435 ના ઊંચા મથાળે ખુલ્યો હતો. શરુઆતમાં જરા ઘટીને 68,918 પોઈન્ટ ડાઉન ગયા બાદ સતત મજબૂત વલણને જાળવી રાખ્યું હતું. ભારે લેવાલીના પગલે સતત ઉપર ચડ્યા બાદ 68,918 પોઈન્ટની ડે હાઈ બનાવી 655 હતી, જે છેલ્લા એક વર્ષમાં સૌથી વધુ છે. ટ્રેડિંગ સેશનના અંતે BSE Sensex 1384 પોઈન્ટનો હનુમાન કૂદકો મારી 68,865 પોઈન્ટના ઊંચા મથાળે બંધ થયો હતો. જે લગભગ 2.05 ટકાનો વધારો દર્શાવે છે.
NSE Nifty : આજના ટ્રેડિંગ સેશનના અંતે NSE Nifty ઈનડેક્સ લગભગ 419 પોઈન્ટ (2.07%) ઉછળીને 20,687 પોઈન્ટ પર બંધ થયો હતો. ઉલ્લેખનિય છે કે, NSE Nifty ઈનડેક્સ આજે 335 પોઈન્ટ ઉપર 20,602 ના મથાળે ખુલ્યો હતો. ત્યારબાદ NSE Nifty 20,508 પોઈન્ટ સુધી ડાઉન ગયો હતો. ત્યારબાદ લેવાલી નીકળતા સતત ઉપર ચડતો રહી છેલ્લા એક વર્ષમાં ઓલટાઇમ હાઈ 20,703 પોઈન્ટની ડે હાઈ બનાવી હતી. ગતરોજ NSE Nifty 20,267 ના મથાળે બંધ રહ્યો હતો.
રોકાણકારોને મોજ : ભાજપની જીતથી ભારતીય શેરબજારમાં તોફાન મચી ગયું છે. મુખ્ય સૂચકાંક BSE Sensex અને NSE Nifty નવી ઓલ ટાઈમ હાઈ બનાવી છે. 3 રાજ્યોની વિધાનસભા ચૂંટણીમાં ભાજપની જીત સાથે મજબૂત સ્થાનિક આંકડા અને વૈશ્વિક સંકેતો પણ આજના ઐતિહાસિક ઉછાળાનું મુખ્ય કારણ રહ્યું છે. રેકોર્ડબ્રેક તેજીમાં શરૂઆતના થોડા કલાકોમાં જ રોકાણકારોને લગભગ 5 લાખ કરોડ રૂપિયાનો નફો થયો છે.
માર્કેટ કેપમાં હનુમાન કૂદકો : ભારતીય શેરબજારના મજબૂત વલણને કારણે ગતરોજ રૂ. 337.67 લાખ કરોડના માર્કેટ કેપ સામે BSE પર લિસ્ટેડ કંપનીઓનું કુલ માર્કેટ કેપ વધીને રૂ. 342.60 લાખ કરોડ થયું છે. શેરબજારની ધૂમમાં રોકાણકારોએ લગભગ રૂ. 5 લાખ કરોડનો નફો કર્યો છે. આજના તેજીવાળા બજારમાં સવારે 11:30 વાગ્યા સુધી BSE પર 357 શેર અપર સર્કિટમાં પ્રવેશ્યા છે. તેમજ 380 શેર એક વર્ષની ટોચે ટ્રેડ થઈ રહ્યા છે.
ઐતિહાસિક ઊંચાઈ : આજના ટ્રેડિંગ સેશન દરમિયાન BSE Sensex 68,918 અને NSE Nifty 20,703 ની સર્વકાલીન ઊંચી સપાટી બનાવી હતી. શેરબજાર રેકોર્ડ હાઈ સાથે ડે હાઈ નજીક બંધ થયું છે. ત્યારે NSE Nifty આજે પ્રથમ વખત 20,703 અને BSE Sensex પણ 68,918 ની રેકોર્ડ સપાટીએ પહોંચી ગયો હતો. ઉપરાંત Nifty Bank 46,484 ના રેકોર્ડ સ્તરે પહોંચી ગયો હતો જે આખરે 1,617 પોઇન્ટ વધીને 46,431 ના મથાળે બંધ રહ્યો હતો.
ટોપ ગેઈનર શેર : આજે BSE Sensex માં સૌથી વધુ ઊંચકાયેલા શેરમાં ICICI બેંક (4.68 %), SBI (3.99 %), લાર્સન (3.88 %), કોટક મહિન્દ્રા (3.80 %) અને ઇન્ડસઇન્ડ બેંક (3.63%) સમાવેશ થાય છે.
ટોપ લુઝર શેર : જ્યારે BSE Sensex માં સૌથી વધુ ગગડેલા શેરોમાં મારુતિ સુઝુકી (-0.27 %), વિપ્રો (-0.21 %) અને સન ફાર્માનો (-0.20 %) સમાવેશ થાય છે.
ADR : આજે શેરબજારનો એડવાન્સ ડેકલાઈન રેશિયો પોઝિટિવ રહ્યો હતો. આજે નેશનલ સ્ટોક એક્સચેન્જમાં 1413 શેરના ભાવ વધ્યા હતા. જેની સામે 730 શેરના ભાવ ઘટ્યા હતા. જોકે, BSE સેન્સેક્સમાં સૌથી વધુ એક્ટિવ શેરમાં રિલાયન્સ, HDFC બેંક, SBI અને રિલાયન્સ અને પાવર ગ્રીડ કોર્પોના સ્ટોક રહ્યા હતા.
