- જૂનાગઢની આઝાદીમાં સરદાર પટેલનું યોગદાન
- 70 વર્ષ પહેલાં જૂનાગઢે પાકિસ્તાન સાથે જોડાવા નિર્ણય કર્યો હતો
- સરદાર પટેલે જૂનાગઢને ભારતનો હિસ્સો બનાવ્યુંજૂનાગઢની આઝાદીમાં સરદાર પટેલનું વિશેષ અને આગવું યોગદાન
જૂનાગઢઃ આજથી 70 વર્ષ પહેલા જૂનાગઢના નવાબે જૂનાગઢનું જોડાણ પાકિસ્તાન સાથે કરવાનો નિર્ણય કર્યો હતો. જેના વિરોધમાં સરદાર પટેલે જૂનાગઢ અને હૈદરાબાદની મુક્તિ માટે ચળવળની શરૂઆત કરીને જૂનાગઢમાં આરઝી હકૂમતની સ્થાપના કરી હતી, ત્યારે આજથી 70 વર્ષ અગાઉ 1947ના રોજ 15 ઓગસ્ટે જૂનાગઢમાં આઝાદી દિવસ મનાવવામાં આવ્યો નહોતો. કારણ કે, જે તે સમયે જૂનાગઢમાં નવાબનું શાસન હતું અને નવાબે જૂનાગઢનું જોડાણ પાકિસ્તાન સાથે કરવાનો નિર્ણય કર્યો હતો. જેને લઇને 15 ઓગસ્ટ 1947ના દિવસે જૂનાગઢમાં આઝાદીનું પર્વ મનાવવામાં આવ્યું નહોતું. જેને ધ્યાને રાખીને સરદાર પટેલે જૂનાગઢની મુક્તિ માટેની ચળવળ શરૂ કરી હતી અને અંતે 9 નવેમ્બરના દિવસે જૂનાગઢ અખંડ ભારતનો હિસ્સો બન્યું હતું. ભાગલા વખતે જૂનાગઢનું જોડાણ પાકિસ્તાન સાથે કરવાનો નિર્ણય જૂનાગઢના નવાબે કર્યો હતો. જેના વિરોધમાં સરદાર પટેલે આરઝી હકૂમતની સ્થાપના કરીને જૂનાગઢની મુક્તિ માટેની ચળવળ શરૂ કરી હતી.
જૂનાગઢમાં ભારે નિરાશાની સાથે દુઃખનો માહોલ
જૂનાગઢની પ્રજા ગુંચવણમાં હતી કે એ દિવસે જૂનાગઢનું નવા બનેલા દેશ પાકિસ્તાન સાથે જોડાણ કરવામાં આવ્યું હતું. જેને લઇને જૂનાગઢમાં ભારે નિરાશાની સાથે દુઃખનો માહોલ પણ જોવા મળતો હતો. એક તરફ દેશમાં આઝાદીની ઉજવણી થઈ રહી હતી, ત્યારે બીજી તરફ જૂનાગઢનું પાકિસ્તાન સાથેનું જોડાણ જૂનાગઢવાસીઓને અકળાવી રહ્યું હતું. નવાબની જોહુકમી સામે સરદાર પટેલે જૂનાગઢ આવીને જૂનાગઢની આઝાદી માટેની ચળવળ માટે આંદોલન શરૂ કર્યું હતું. જેની પ્રથમ સભા બહાઉદ્દીન કૉલેજના પટાંગણમાં આવી હતી. જેમાં જૂનાગઢની મુક્તિ માટે શામળદાસ ગાંધીની આગેવાનીમાં આરઝી હકૂમતની સ્થાપના કરવામાં આવી હતી. જેમાં જૂનાગઢના સિંહ સમાન જેની ગણતરી થતી હતી તેવા રતુભાઇ અદાણીનો સમાવેશ કરીને જૂનાગઢની મુક્તિની લડાઈ શરૂ કરવામાં આવી હતી. આ ચળવળને અંતે નવાબ મહોબતખાન ત્રીજાને પાકિસ્તાન ભાગી જવાની ફરજ પડી હતી અને અંતે વર્ષ 1947ની 9મી નવેમ્બરના દિવસે જૂનાગઢ નવાબના શાસનમાંથી મુક્ત થયું અને સ્વતંત્ર ભારતનો અભિન્ન હિસ્સો બન્યું હતું.
