નવી દિલ્હી: સેન્ટ્રલ બ્યુરો ઑફ ઇન્વેસ્ટિગેશન (CBI) એ ભાગેડુ હીરાના વેપારી નીરવ મોદીને (Nirav Modi case) સંડોવતા રૂ. 7,000 કરોડના બેન્ક છેતરપિંડીના મુખ્ય આરોપી સુભાષ શંકર પરબના પ્રત્યાર્પણ (Subhash Shankar Parab extradited from Egypt) માટેના મોટા ઓપરેશનના ભાગરૂપે ઇજિપ્તમાંથી ભારત પરત લાવવામાં સફળતા મેળવી છે.
આ પણ વાંચો: ભાગુડે નીરવ મોદીના પક્ષમાં રિટાર્યડ જસ્ટિસ કાટજુએ આપી સાક્ષી, જાણો શું કહ્યું...
અધિકારીઓએ જણાવ્યું હતું કે કૈરોમાં કથિત રીતે છુપાયેલા પરબની ધરપકડ કર્યા બાદ મંગળવારે વહેલી સવારે મુંબઈ લાવવામાં આવ્યો હતો. સુભાષ શંકર નીરવ મોદીના નજીકના સાથી હોવા ઉપરાંત 'ફાયરસ્ટાર ડાયમંડ'માં ડેપ્યુટી જનરલ મેનેજર હતા, એમ અધિકારીઓએ જણાવ્યું હતું. 'ફાયરસ્ટાર ડાયમંડ' નીરવ મોદીની કંપની હતી. સુભાષ શંકર વિરુદ્ધ રેડ કોર્નર નોટિસ જારી કરવામાં આવી હતી.
સુભાષ શંકર પરબની ધરપકડ: CBIના એક અધિકારીએ જણાવ્યું કે, સુભાષ શંકર પરબની ધરપકડ કરવામાં આવી છે. અમે તેને મુંબઈની કોર્ટમાં રજૂ કરીશું અને તેના કસ્ટોડિયલ રિમાન્ડની માંગણી કરીશું. ત્યાર બાદ તેની વધુ પૂછપરછ કરવામાં આવશે. શંકર ગુનાહિત કાવતરું, વિશ્વાસનો ગુનાહિત ભંગ, છેતરપિંડી અને જાહેર સેવક અને બેંકર વેપારી અને એજન્ટ દ્વારા સંપત્તિના વિતરણમાં અપ્રમાણિક ઉશ્કેરણી અને ભ્રષ્ટાચાર નિવારણ અધિનિયમના આરોપોનો સામનો કરી રહ્યા છે.
આ પણ વાંચો: બિલકુલ બકવાસ, મેહુલ ચોક્સીના અપહરણમાં અમારો કોઇ ભાગ નથીઃ ડોમિનિકા PM Roosevelt Skerrit
પરબ ચાર વર્ષથી ફરાર હતો: CBIએ ચાર વર્ષ પહેલા જ તેની સામે ચાર્જશીટ દાખલ કરી છે, જેના આધારે ઈન્ટરપોલે તેની સામે રેડ કોર્નર નોટિસ જારી કરી હતી. જેસી જગદાલેની વિશેષ CBI કોર્ટે તેમની સામે ધરપકડ વોરંટ પણ જારી કર્યું હતું. 49 વર્ષીય શંકર 2018માં નીરવ મોદી અને મેહુલ ચોક્સી સાથે વિદેશ ભાગી ગયો હતો. તેને નીરવ મોદીનો સૌથી વિશ્વાસુ વ્યક્તિ માનવામાં આવે છે.
