- e-RUPI એ પ્રિપેઇડ ઇ-વાઉચર છે
- e-RUPI ચૂકવણીને સંપૂર્ણપણે કેશલેસ અને કોન્ટેક્ટલેસ બનાવશે
- નરેન્દ્ર મોદી વીડિયો કોન્ફરન્સિંગ દ્વારા e-RUPI ડિજિટલ પેમેન્ટ પ્લેટફોર્મ લોન્ચ કરશે
નવી દિલ્હી: વડાપ્રધાન નરેન્દ્ર મોદી આજે 2 ઓગસ્ટના રોજ વીડિયો કોન્ફરન્સિંગ દ્વારા e-RUPI ડિજિટલ પેમેન્ટ પ્લેટફોર્મ લોન્ચ કરશે. e-RUPI એ પ્રિપેઇડ ઇ-વાઉચર છે. જે NPCI દ્વારા વિકસાવવામાં આવ્યું છે. આ ડિજિટલ પેમેન્ટ પ્લેટફોર્મ ચૂકવણીને સંપૂર્ણપણે કેશલેસ અને કોન્ટેક્ટલેસ બનાવશે.
ટ્રાન્ઝેક્શન પૂર્ણ થયા બાદ જ સર્વિસ પ્રોવાઇડરને ચૂકવણી
e-RUPI ક્યુઆર કોડ અથવા SMS સ્ટ્રિંગ પર આધારિત ઇ-વાઉચર તરીકે કાર્ય કરે છે, જે લાભાર્થીઓના મોબાઇલ ફોનમાં પહોંચાડવામાં આવે છે. e-RUPI પ્લેટફોર્મ વપરાશકર્તાઓને કાર્ડ, ડિજિટલ પેમેન્ટ એપ અથવા ઈન્ટરનેટ બેંકિંગ એક્સેસ કર્યા વગર વાઉચરને રિડીમ કરવાની મંજૂરી આપશે.આ ડિજિટલ પ્લેટફોર્મ ખાતરી કરે છે કે, ટ્રાન્ઝેક્શન પૂર્ણ થયા બાદ જ સર્વિસ પ્રોવાઇડરને ચૂકવણી કરવામાં આવે છે. પ્રીપેડ હોવાથી તે કોઈપણ મધ્યસ્થીની સંડોવણી વિના સેવા પ્રદાતાને સમયસર ચૂકવણીની ખાતરી આપે છે.
આ પણ વાંચો: ગૂગલ પે સામે દિલ્હી હાઈકોર્ટમાં અરજી, આરોપ- પહેલેથી હાજર UPIથી કામ કરવાની મંજૂરી આપતું નથી
આ પણ વાંચો: Google Pay એ 6.7 કરોડ વપરાશકર્તાઓ સાથે PhonePe ને પાછળ છોડ્યું
