- ચૌધરી ઓમ પ્રકાશ ચૌટાલાને આજે તિહાડ જેલમાંથી મુક્ત કરવામા આવ્યા
- તિહાડ જેલમાંથી છૂટ્યા હાદ તેઓ પોતાના નિવાસસ્થાન પ્રસ્થાન કરશે
- ઇનેલો સુપ્રિમોના જેલમાંથી પરત આવવાથી હરિયાણાની રાજનીતિમાં એક નવા યુગની શરૂઆત
ચંદીગઢ: હરિયાણાના પૂર્વ મુખ્યપ્રધાન અને ઈન્ડિયન રાષ્ટ્રીય લોકસભાના અધ્યક્ષ ઓમ પ્રકાશ ચૌટાલા (Om Prakash Chautala)ને આજે 2 જુલાઈના રોજ જેલમાંથી છૂટા કરવામાં આવ્યા હતા. ઇનેલોના પ્રદેશ નફેસ સિંહ રાઠીએ અહીં રજૂઆત કરી હતી કે, ઇનેલો સુપ્રીમો જેલની કાર્યવાહી પૂર્ણ કર્યા બાદ સવારે 10 વાગ્યે તિહાડ જેલમાંથી મુક્ત થયા બાદ તેઓ પોતાના નિવાસસ્થાન તરફ પ્રસ્થાન કરશે. દિલ્હી સરકારે ગત મહિને આદેશ આપ્યો હતો કે, કોવિડ -19 રોગચાળાને કારણે 10 વર્ષમાંથી સાડા નવ વર્ષની સજા ભોગવી રહેલા કેદીઓને છ મહિનાની જેલની સજા માફ કરવામાં આવી.
આ પણ વાંચોઃ તિહાડ જેલમાં ચરસ સપ્લાય કરતો વોર્ડન ઝડપાયો
હરિયાણાના તમામ લોકો ચૌટાલાનું સ્વાગત કર્યુ
આ સમયએ ઓમ પ્રકાશ ચૌટાલાનો (Om Prakash Chautala) પૌત્ર કર્ણ ચૌટાલા તેમનો સથી બનીને રહેશે. તિહાડ જેલથી છૂટ્યા બાદ ઇનેલો સુપ્રિમો ગુરુગ્રામ સ્થિત તેમના નિવાસ સ્થાન તરફ પ્રયાણ કરશે. ત્યારે ઇનેલો પાર્ટીના મુખ્યપ્રધાનનું સ્વાગત કરવા માટે હરિયાણાથી હજારોની સંખ્યામાં કાર્યકારો દિલ્લી-ગુરુગ્રામ બોર્ડર પર હાજર રહેશે. નફે સિંહ રાઠીએ જણાવ્યુ કે, આજે ખુશી છે કે, હરિયાણાના તમામ વર્ગના લોકો ઇનેલો સુપ્રિમોનો જેલમાંથી પરત આવવાની રાહ જોઇ રહ્યા હતા. તેમણે જણાવ્યુ હતુ કે, 2013 પછીની આ એક એવી તક છે. જેમાં ઇનેલો સુપ્રિમોના જેલમાંથી પરત આવવાથી હરિયાણાની રાજનીતિમાં એક નવા યુગની શરૂઆત કરવામાં આવશે.
ઓ.પી.ચૌટાલાએ જેલમાં અભ્યાસ કર્યા હતો
ઓ.પી.ચૌટાલા ભૂતપૂર્વ નાયબ વડા પ્રધાન દેવીલાલના મધ્ય પુત્ર હતા, તમે માનો છો કે ઓમ પ્રકાશ ચૌટાલા ભણેલા ન હોતા. પરંતુ જ્યારે તેને જેલમાં સમય મળ્યો અને કંઈ કરવાનું ન હતું, ત્યારે તેણે ભણવાનું નક્કી કર્યું. 2017 માં, એક સમાચાર જેલની બહાર આવ્યા કે ઓ.પી.ચૌટાલાએ જેલમાંથી જ 12 મી પરીક્ષા પાસ કરી હતી, પરંતુ પાછળથી જાણવા મળ્યું કે, તેણે 12માં નહીં પણ જેલમાં 10 મી પરીક્ષા આપી હતી, જેમાં તેણે 53.40 ટકા ગુણ મેળવ્યા હતા .
આ પણ વાંચોઃ મુકેશ અંબાણીના ઘર બહાર મળી આવેલા વિસ્ફોટક મામલે ખુલાસો, તપાસમાં સામે આવ્યું તિહાડ જેલ કનેક્શન
શિક્ષક ભરતી કૌભાંડ
શિક્ષક ભરતી કૌભાંડમાં 10 વર્ષની સજા સંભળાતા હરિયાણાના ભૂતપૂર્વ મુખ્યપ્રધાન ઓમ પ્રકાશ ચૌટાલાને તેની સજા પૂર્ણ થયાના 6 મહિના પહેલા જ છૂટા કરવામાં આવ્યા છે. આ નિર્ણય દિલ્હી સરકાર દ્વારા લેવામાં આવ્યો હતો. જેમાં એવું કહેવામાં આવ્યું હતું કે, જે કેદીઓને 10 વર્ષની સજા અને 6 મહિનાથી ઓછી સજા બાકી છે તેઓને મુક્ત કરવામાં આવશે. દિલ્હી સરકારની આ છૂટ ચૌટાલા માટે પણ ફાયદા કારક સાબિત થઈ છે. પરંતુ-83 વર્ષીય ઓમ પ્રકાશ ચૌટાલાએ લગભગ સાડા આઠ વર્ષ તિહાડ જેલમાં પસાર કર્યા છે અને તે ગયા વર્ષથી જામીન પર છે.
ઓ.પી.ચૌટાલા પર લગાવવામાં આવ્યો આરોપ
ઓ.પી.ચૌટાલા પર શિક્ષકોની ભરતીમાં ધાંધલ ધમાલનો આરોપ હતો. તે સમયે તેઓ મુખ્ય પ્રધાન હતા, એવો આક્ષેપ કરવામાં આવ્યો હતો કે, તેમના ફાર્મ હાઉસ ખાતે અધિકારીઓને બોલાવ્યા બાદ તેમણે શિક્ષકોની શીટ બદલા કરી હતી અને તેમાં ઓ.પી.ચૌટાલાએ પોતાની પસંદગીના નામ તેમાં મૂક્યા હતા. જોકે ઓપી ચૌટાલા હંમેશા આ આરોપોને નકારે છે, પરંતુ તે ચોક્કસપણે કહે છે કે જો કોઈને નોકરી આપવા બદલ તેને ફરીથી જેલમાં જવું પડે તો તે તૈયાર છે.
