Rahul Gandhi: અવિશ્વાસ પ્રસ્તાવ પર રાહુલ ગાંધીના પ્રહાર- મણિપુરમાં હિન્દુસ્તાનની હત્યા થઈ છે, મારી યાત્રા હજુ પૂરી થઈ નથી

લોકસભામાં અવિશ્વાસ પ્રસ્તાવ પર આજે બીજા દિવસે ચર્ચા શરૂ થઈ હતી. રાહુલે તેમને સંસદ સભ્ય તરીકે પુનઃસ્થાપિત કરવા બદલ સ્પીકર ઓમ બિરલાનો આભાર માન્યો હતો. રાહુલ ગાંધી અવિશ્વાસ પ્રસ્તાવ પર બોલી રહ્યા છે. રાહુલે મણિપુર મુદ્દે પીએમ મોદી પર નિશાન સાધ્યું હતું. પદયાત્રા અંગે તેમણે કહ્યું કે, 'મારી યાત્રા હજુ પૂરી થઈ નથી.

નવી દિલ્હી: લોકસભામાં અવિશ્વાસ પ્રસ્તાવ પર ચર્ચા ચાલી રહી છે. રાહુલ ગાંધીએ સ્પીકર ઓમ બિરલાની માફી માંગીને પોતાના ભાષણની શરૂઆત કરી હતી. તેમણે કહ્યું, "ગૃહમાં અદાણી પર ધ્યાન કેન્દ્રિત કરવાને કારણે, તમારા વરિષ્ઠ નેતાને નુકસાન થયું અને તમે પણ તેના કારણે સહન કર્યું. તેથી હું તમારી માફી માંગુ છું." તેમણે કહ્યું કે આજે હું અદાણીની ચર્ચા નહીં કરું. આજે હું મારા દિમાગથી બોલવા માંગતો નથી, પરંતુ મારા હૃદયથી બોલવા માંગુ છું અને આજે હું તમારા પર હુમલો કરનાર નહીં બનીશ... તમે આરામ કરો."

મણિપુર મુદ્દે નિશાન સાધ્યું: રાહુલ ગાંધીએ કહ્યું કે હું થોડા દિવસ પહેલા મણિપુર ગયો હતો. આપણા પીએમ ગયા નથી, કારણ કે મણિપુર તેમના માટે ભારત નથી. મેં 'મણિપુર' શબ્દનો ઉપયોગ કર્યો છે પરંતુ સત્ય એ છે કે મણિપુર હવે નથી રહ્યું. તમે મણિપુરને બે ભાગમાં વહેંચી દીધું. તમે મણિપુરનું વિભાજન કર્યું અને તોડ્યું. જ્યારે સત્તાધારી સાંસદો તેમને પૂછે છે કે તેઓ રાજસ્થાન ક્યારે જશે તો તેઓ કહે છે કે, હું આજે જ જઈ રહ્યો છું. મણિપુરના મુદ્દે રાહુલ ગાંધીએ કહ્યું કે અહંકાર દૂર કર્યા પછી તમે લોકોની પીડા સાંભળી શકશો. ભારત આ દેશના લોકોનો અવાજ છે.