રાષ્ટ્રપતિએ 3 અપરાધિક ન્યાય વિધેયકને આપી મંજૂરી, અંગ્રેજકાળના 3 જૂના કાયદા થયા રદ

રાષ્ટ્રપતિ દ્રોપદી મુર્મૂએ નવા 3 અપરાધિક ન્યાય વિધેયકોને મંજૂરી આપી દીધી છે. આ વિધેયક પહેલા ઓગસ્ટમાં સંસદના ચોમાસુ સત્રમાં રજૂ કરવામાં આવ્યા હતા. નવા કાયદા અંતર્ગત દંડ લગાડવા સાથે કોઈ આરોપીને દોષીત ઠેરવવા માટે મેજિસ્ટ્રેટના પાવર્સ વધારવામાં આવ્યા છે. New Criminal Justice Bill President Draupadi Murmu

નવી દિલ્હીઃ રાષ્ટ્રપતિ દ્રોપદી મુર્મૂએ સંસદ દ્વારા ગયા અઠવાડિયે પ્રાસ્તાવિત કરવામાં આવેલા 3 નવા અપરાધિક ન્યાય વિધેયકોને સોમવારે મંજૂરી આપી દીધી છે. ભારતીય ન્યાય સંહિતા, ભારતીય નાગરિક સુરક્ષા સંહિતા અને ભારતીય સાક્ષ્ય કાયદા ઔપનિવેશિક કાળના 3 કાયદા 1872ના જૂના 3 કાયદાઓનું સ્થાન લેશે.

સંસદમાં ત્રણેય કાયદાઓ પર થયેલ ચર્ચાના જવાબમાં કેન્દ્રીય ગૃહ પ્રધાન અમિત શાહે કહ્યું કે આ ત્રણેય વિધેયકોમાં સજાને બદલે ન્યાય પર ભાર મુકવામાં આવ્યો છે. તેમણે કહ્યું હતું કે આ કાયદાનો ઉદ્દેશ્ય આમૂલ પરિવર્તન કરવાનો છે. જેમાં આતંકવાદને નવી રીતે વ્યાખ્યાયિત કરવામાં આવ્યો છે. રાજદ્રોહ અપરાધને ખતમ કરીને રાજ્ય વિરુદ્ધ અપરાધ શીર્ષક હેઠળ નવો અધ્યાય જોડવામાં આવ્યો છે.

આ વિધેયક સૌથી પહેલા ઓગસ્ટમાં સંસદના ચોમાસુ સત્રમાં રજૂ કરવામાં આવ્યા હતા. ગૃહ મામલો પર સ્થાયી સ્મિતિ દ્વારા અનેક રજૂઆતો બાદ સરકારે વિધેયકોને પરત લેવાનો ફેંસલો કર્યો અને ગયા અઠવાડિયે નવું સંસ્કરણ રજૂ થયું હતું.

શાહે જણાવ્યું હતું કે, આ ત્રણેય વિધેયકો વ્યાપક વિચાર વિમર્શ બાદ તૈયાર કરવામાં આવ્યા છે અને તેમને સદનમાં રજૂ કરતા પહેલા વિધેયકના દરેક અલ્પવિરામ પૂર્ણવિરામ પર અભ્યાસ કરવામાં આવ્યો છે.