મિર્ઝાપુર : ગરીબ ખેડૂતની પુત્રી કે.એમ. ચંદાએ વિદેશની ધરતી પર ઇતિહાસ રચીને દેશનું નામ રોશન કર્યું છે. તેણે એશિયન એથ્લેટિક્સ ચેમ્પિયનશિપ 2023 માં દોડની સ્પર્ધામાં સિલ્વર મેડલ જીત્યો હતો. બેંગકોકમાં ચાલી રહેલી એશિયન એથ્લેટિક્સ ચેમ્પિયનશિપ 2023 ના છેલ્લા દિવસે કે.એમ. ચંદાએ 800 મીટરની દોડમાં ભારત માટે સિલ્વર મેડલ જીત્યો હતો. ચંદા મિર્ઝાપુર જિલ્લાના અહરૌરા વિસ્તારના સોનપુર ગામની રહેવાસી છે.
પિતાએ ખેતર ગીરવે મુક્યું : મિર્ઝાપુરની ભારતીય એથ્લીટ કે.એમ. ચંદાએ બેંગકોકમાં ચાલી રહેલી એશિયન એથ્લેટિક્સ ચેમ્પિયનશિપ 2023 માં દોડ સ્પર્ધામાં ભાગ લીધો હતો. જેના છેલ્લા દિવસે 800 મીટરની દોડમાં ભારત માટે સિલ્વર મેડલ જીતીને દેશનું નામ રોશન કર્યું છે. અહૌરા વિસ્તારના સોનપુર ગામના ખેડૂત સત્યનારાયણ પ્રજાપતિની પુત્રી ચંદાએ સફળતા માટે નવી પ્રેરણારૂપ વાર્તા લખી છે. ગામમાં તેના પિતા સાથે ખેતરોમાં કામ કરતી અને ખેતરમાં દોડીને આ સ્થાને પહોંચેલી ચંદાનું જીવન મુશ્કેલીઓથી ભરેલું છે.
કોચે આપ્યો ગુરુમંત્ર : પોતાની ખેતી ગીરવે મૂકીને દીકરીના સપનાને ઉડાન આપનાર પિતાનું એ સપનું દીકરીએ સાકાર કર્યું છે. ચંદાની આ સફળતામાં ચંદાના કોચ કુલબીર સિંહે મહત્વની ભૂમિકા ભજવી છે. તેઓ ચંદાની પ્રતિભા જોઈને તેને ગુરુમંત્ર આપીને ઊંચાઈ પર લઈ ગયા. ચંદાએ અત્યાર સુધી આંતરરાષ્ટ્રીય અને રાષ્ટ્રીય સ્પર્ધાઓમાં ડઝનેક મેડલ જીત્યા છે. ચંદા 12 જુલાઈથી 16 જુલાઈ દરમિયાન બેંગકોકમાં ચાલી રહેલી એશિયન એથ્લેટિક્સ ચેમ્પિયનશિપ 2023 માં 2.01.58 પોઈન્ટના સમય સાથે સિલ્વર મેડલ જીતવામાં સફળ રહી હતી.
કે.એમ. ચંદાના આંતરરાષ્ટ્રીય અને રાષ્ટ્રીય એથ્લેટિક્સમાં રેકોર્ડ :
- ગોલ્ડ-62 મી નેશનલ ઇન્ટર સ્ટેટ સિનિયર એથ્લેટિક્સ ચેમ્પિયનશિપ 2023, ઓડિશા
- ગોલ્ડ-26 મી નેશનલ ફેડરેશન કપ સિનિયર એથ્લેટિક્સ ચેમ્પિયનશિપ 2023
- ગોલ્ડ-36 મી નેશનલ ગેમ્સ 2022 (800 અને 1500 મીટર દોડ), ગુજરાત
- ગોલ્ડ-કોસાનોવ મેમોરિયલ ઇન્ટરનેશનલ એથ્લેટિક્સ ચેમ્પિયનશિપ 2022 (800 અને 1500 મીટર દોડ), કઝાકિસ્તાન
- ગોલ્ડ-ટ્રાયલ એશિયન ગેમ્સ 2022, કેરળ
- ગોલ્ડ-સ્ટેટ એન્યુઅલ એથ્લેટિક્સ 2022,દિલ્હી
- ગોલ્ડ-રાષ્ટ્રીય અન્ડર-23 એથ્લેટિક્સ ચેમ્પિયનશિપ (800 મીટર દોડ), નવી દિલ્હીમિર્ઝાપુરની દીકરી કે.એમ. ચંદા
નેશનલ રેકોર્ડધારક ચંદા : ચંદાએ માર્ચ 2021 પટિયાલામાં 24 મી ફેડરેશન કપ નેશનલ એથ્લેટિક્સ ચેમ્પિયનશિપની 800 મીટરની સ્પર્ધામાં રિયો ઓલિમ્પિક ગેમ્સના એથ્લેટિક્સ એમઆર પૂવમ્માને હરાવીને ગોલ્ડ જીત્યો હતો. કે.એમ. ચંદાએ ખેલો ઈન્ડિયા યુથ ગેમ્સ 2020 માં 3000 મીટરની દોડને માત્ર 9:44.99 માં પૂર્ણ કરી નવો રેકોર્ડ બનાવ્યો હતો. આ ઉપરાંત ખેલો ઈન્ડિયામાં 1500 મીટરની રેસમાં સિલ્વર સાથે 4:22.99 નો બીજો રેકોર્ડ બનાવ્યો. ડિસેમ્બર 2019 માં નેપાળમાં 13મી દક્ષિણ એશિયન ગેમ્સમાં 1500 મીટરની દોડમાં સિલ્વર મેડલ મેળવ્યો હતો.
રાષ્ટ્રીય રેકોર્ડ : આ ઉપરાંત 2 મિનિટ 9 સેકન્ડમાં 800 મીટરની દોડ પૂરી કરીને ડિસેમ્બર 2019 માં નેશનલ સ્કૂલ એથ્લેટિક્સ સ્પર્ધા પંજાબમાં ગોલ્ડ મેડલ મેળવ્યો હતો. ચંદાએ 1500 મીટરની દોડ 4 મિનિટ 26.85 સેકન્ડમાં પૂરી કરીને કેરળની એ મેરીમેન્યુઅલનો 4 મિનિટ 42.47 સેકન્ડના રેકોર્ડને તોડીને ગોલ્ડ મેડલ જીત્યો હતો. 3000 મીટર દોડમાં બ્રોન્ઝ મેડલ. આંધ્ર પ્રદેશમાં આયોજિત 35 મી જુનિયર નેશનલ એથ્લેટિક્સ ચેમ્પિયનશિપ 2019 માં તેણે 1500 મીટર રેસ 4:17.19માં પૂર્ણ કરી રાષ્ટ્રીય રેકોર્ડ બનાવ્યો હતો અને 3000 મીટર રેસમાં ગોલ્ડ જીત્યો હતો. ઉપરાંત 64 મી નેશનલ સ્કૂલ ગેમ્સ 2018-19 નડિયાદમાં સિલ્વર મેડલ જીત્યો હતો.
