- ભારતને મળશે તેની પ્રથમ CJI
- 9 નામના લીસ્ટમાં 3 મહિલા જજ સામેલ
- ગુજરાતમાંથી 1 મહિલા જજની ભલામણ કરવામાં આવી
દિલ્હી: ભારતમાં વડાપ્રધાન થી લઈને રાષ્ટ્રપતિના પદને મહિલાઓ સુશોભિત કરી ચૂકી છે. હવે ભારતને પહેલા મહિલા ચીફ જસ્ટીસ ઓફ ઈન્ડીયા મળવા જઈ રહી છે. સુપ્રિમ કોર્ટની કોલેજિયમે જે 9 જજોની નિયુક્તિ માટે કેન્દ્ર સરકારને ભલામણ મોકી છે, તેમા 3 મહિલાઓના પણ નામ છે. જોકે ભારતને પોતાની પહેલી મહિલા ચીફ જસ્ટીસ 2027માં મળશે.
9 જજોની થશે સુપ્રિમ કોર્ટમાં નિમણુંક
પૂર્વ CJI રંજન ગોગોઈ નવેમ્બર 2019માં સેવાનિવૃત થયા બાદ કોલેજિયમે કેન્દ્ર સરકારને નિયુક્તિ માટે કોઈ ભલામણ નહોતી મોકલી. ન્યાયમૂર્તી નરીમને 12 ઓગસ્ટે બહાર થયા બાદ, સુપ્રિમ કોર્ટમાં 9 જજોની સંખ્યા ખાલી છે, પણ 18 ઓગસ્ટ એટલે કે આજે ન્યાયમૂર્તિ નવીન સિન્હા પણ સેવાનિવૃત થઈ જશે. આ બાદ સુપ્રિમ કોર્ટમાં 10 જગ્યાઓ ખાલી થશે.
આ પણ વાંચો: પુત્રદા એકાદશી 2021: આ દિવસે ભગવાન વિષ્ણુની પૂજા સાથે વ્રત-ઉપવાસ કરવાથી સંતાન સુખ અને સમૃદ્ધિ મળે છે
9 નામમાંથી 3 મહિલા
કોલેજિયમ તરફથી કેન્દ્ર સરકારને જે નામ આપ આપવામાં આવ્યા છે તેમાંથી કર્ણાટકના હાઈકોર્ટના ન્યાયમૂર્તી બી.વી નાગરત્ના દેશની પ્રથમ મહિલા CJI બની શકે છે. આ સિવાય ગુજરાત હાઈકોર્ટના ન્યાયમૂર્તી બેલા ત્રિવેદી અને તેલંગાણા હાઈકોર્ટની હિમા કોહલીના નામની ભલામણ કરવામાં આવી છે. આ ત્રણ મહિલા સિવાય કર્ણટક હાઈકોર્ટના ન્યાયમૂર્તિ અભય શ્રીનિવાસ, ગુજરાતના વિક્રમ નાથ અને સિક્કમના જિતેન્દ્ર કુમાર મહેશ્વરી, કેરળના સી.ટી રવિકુમાર અને એમ.એસ સુંદરેશના નામ સામેલ છે.
આ પણ વાંચો: Rainfall forecast: રાજ્યમાં 18-20 ઓગસ્ટ સુધી અનેક જિલ્લામાં સારા વરસાદની શકયતા
