નવી દિલ્હીઃ દિલ્હીના જહાંગીરપુરીમાં શનિવારે હિંસા (Jahangirpuri Sectarian Violence) ફાટી નિકળી હતી. આ અંગે દિલ્હી પોલીસ કમિશનર રાકેશ અસ્થાનાએ આજે પત્રકાર પરિષદ યોજીને આ મામલાની સંપૂર્ણ માહિતી આપી હતી. પોલીસ કમિશનરે કહ્યું કે આ કેસમાં અત્યાર સુધીમાં 23 લોકોની ધરપકડ (23 arrested in Jahangirpuri communal violence case) કરવામાં આવી છે. તેમાંથી 8 એવા છે જેઓ ભૂતકાળમાં એક યા બીજા કેસમાં આરોપી છે.
આ પણ વાંચો: દિલ્હીમાં હનુમાન જયંતિ પર શોભાયાત્રા દરમિયાન પથ્થરમારો, 9 લોકોની કરાઇ ધરપકડ
બંને પક્ષના લોકોની ધરપકડ: તેમણે વધુમાં જણાવ્યું કે, આ કેસમાં દરેક એંગલથી તપાસ કરવામાં આવી રહી છે. આ હિંસામાં પ્રત્યક્ષ અને પરોક્ષ રીતે સામેલ કોઈપણને બક્ષવામાં આવશે નહીં. રાકેશ અસ્થાનાએ વધુમાં કહ્યું કે જહાંગીરપુરી હિંસા કેસમાં બંને પક્ષના લોકોની ધરપકડ કરવામાં આવી છે. રાકેશ અસ્થાનાએ મસ્જિદ પર ભગવો ઝંડો ફરકાવવાના સવાલનો જવાબ આપતા કહ્યું કે, આમાં કોઈ સત્ય નથી. નજીવી બાબતે ઝઘડો શરૂ થયો હતો. બાદમાં તે હિંસામાં ફેરવાઈ ગય હતો.
હિંસામાં 9 લોકો ઈજાગ્રસ્ત : રાકેશ અસ્થાનાએ કહ્યું કે હિંસામાં 9 લોકો ઈજાગ્રસ્ત થયા છે, જેમાંથી 8 પોલીસકર્મી છે. આ દર્શાવે છે કે પોલીસે બંને પક્ષોને અલગ કર્યા. જેના કારણે નાગરિકોને કોઈ નુકસાન થયું નથી. એટલું જ નહીં, જ્યારે અસ્થાનાને પૂછવામાં આવ્યું કે શું જહાંગીરપુરી હિંસા કેસમાં એકપક્ષીય કાર્યવાહી કરવામાં આવી રહી છે. તો તેણે જવાબ આપ્યો, ના, હિંસામાં સામેલ બંને પક્ષોના લોકોની ધરપકડ કરવામાં આવી છે.
ક્રાઈમ બ્રાન્ચની 14 ટીમો બનાવી: દિલ્હી પોલીસ કમિશનર રાકેશ અસ્થાનાએ કહ્યું કે, ક્રાઈમ બ્રાન્ચ આ મામલે તપાસ કરી રહી છે. ક્રાઈમ બ્રાન્ચની 14 ટીમો બનાવવામાં આવી છે. આ ટીમોએ તપાસ શરૂ કરી છે. તેમણે કહ્યું કે, વિશ્લેષણ કરવામાં આવી રહ્યું છે. દરેક એંગલથી તપાસ કરવામાં આવી રહી છે. આમાં પ્રત્યક્ષ કે આડકતરી રીતે હિંસામાં સંડોવાયેલા કોઈપણ આરોપીને છોડવામાં ન આવે તે માટે પ્રયાસ કરવામાં આવશે. તેમણે કહ્યું કે, ડિજિટલ પુરાવાનું વિશ્લેષણ કરવામાં આવી રહ્યું છે. આ કેસમાં જે પણ સંડોવાયેલા હશે તેમની સામે કડક કાયદાકીય કાર્યવાહી કરવામાં આવશે.
કુલ 23 લોકોની ધરપકડ: જહાંગીરપુરીમાં હનુમાન જયંતિ નિમિત્તે કાઢવામાં આવેલા શોભાયાત્રા દરમિયાન પથ્થરમારો અને આગચંપીની ઘટનાઓ બની હતી, જેમાં લાલ સહિત આઠ પોલીસ કર્મચારીઓ અને એક સ્થાનિક વ્યક્તિ ઈજાગ્રસ્ત થયા હતા. આ દરમિયાન લાલને ગોળી વાગી હતી. દિલ્હી પોલીસે લાલ પર કથિત રીતે ગોળીબાર કરનાર વ્યક્તિ અને આ કેસના મુખ્ય કાવતરાખોરો સહિત કુલ 23 લોકોની ધરપકડ કરી છે. આ કેસમાં બે સગીરોને પણ કસ્ટડીમાં લેવામાં આવ્યા છે.
આ પણ વાંચો: હનુમાન ચાલીસા વાંચવા માટે મસ્જિદ સામે હિંદુ સંગઠનો થયા એકઠા, મુસ્લિમોએ લાઉડ સ્પીકર વગર આઝાન કરી
નવ પોલીસકર્મીઓ સહિત 10 લોકો ઈજાગ્રસ્ત: શહેરમાં કાયદો અને વ્યવસ્થા જાળવવા માટે દિલ્હી પોલીસે રવિવારે ડ્રોન અને ફૂટ પેટ્રોલિંગ વધાર્યું છે. સંવેદનશીલ વિસ્તારોમાં છત પરથી દેખરેખ સઘન બનાવી અને વિવિધ શાંતિ સમિતિઓના સભ્યો સાથે બેઠકો યોજી હતી. જામિયા નગર, જામા મસ્જિદ, સંગમ વિહાર, ચાંદની મહેલ, જસોલા, હૌજ કાસી સહિત તમામ સ્થળોએ ડ્રોન અને ફૂટ પેટ્રોલિંગ કરવામાં આવી રહ્યું છે. આ સાથે ઉત્તર-પૂર્વ દિલ્હીમાં જ્યાં 2020માં કોમી રમખાણો થયા હતા ત્યાં પણ પેટ્રોલિંગ વધારી દેવામાં આવ્યું છે. જહાંગીરપુરી વિસ્તારમાં હનુમાન જયંતિના દિવસે શોભાયાત્રા દરમિયાન થયેલી હિંસામાં નવ પોલીસકર્મીઓ સહિત 10 લોકો ઈજાગ્રસ્ત થયા બાદ ઉપરોક્ત પગલાં લેવામાં આવ્યા છે. હનુમાન જયંતિ નિમિત્તે કાઢવામાં આવેલા શોભાયાત્રા દરમિયાન ઘર્ષણ થયાના એક દિવસ બાદ, દિલ્હી પોલીસે રવિવારે શાંતિ સમિતિના સભ્યો સાથે બેઠક યોજી હતી. આ દરમિયાન પોલીસે તેમને પોતપોતાના વિસ્તારોમાં શાંતિ જાળવવા લોકોને અપીલ કરવાનું કહ્યું હતું.
