એક મીડિયા રિપોર્ટમાં જણાવ્યા મુજબ જોઈએ તો પારલે જીના પ્રોડક્ટ્સના ઉપયોગમાં મંદીના કારણે લગભગ 10 હજાર લોકોને સાઈડમાં કરી શકે છે. કંપનીના કેટેગરી હેડ મયંક શાહના જણાવ્યા અનુસાર GSTના કારણે આ મંદી આવી છે. મયંક શાહનું કહેવું છે કે, અમે સતત સરકારને કહેતા આવ્યા છીએ કે, બિસ્કીટ પર જીએસટી ઓછો કરવામાં આવે, જો સરકાર અમારી વાત નહીં માને અથવા તો કોઈ અન્ય વિકલ્પ નહીં બતાવે તો મજબૂરીમાં અમારે કંપનીમાંથી 8થી 10 હજાર લોકોને ઘરભેગા કરવા પડશે.
આપને જણાવી દઈએ કે, પારલે જી પ્રોડ્ક્ટની સેલ્સ 10 હજાર કરોડથી પણ વધારે છે. આ કંપનીના કુલ 10 પ્લાન્ટ છે. જેમાં લગભગ એક લાખ કર્મચારીઓ કામ કરે છે. કંપનીને અડધાથી ઉપરનો માર્કેટ ગ્રામિણ બજારોમાં છે.
