અરુણાચલમાં સુરક્ષા દળો-નક્સલી વચ્ચે અથડામણ, 6 નક્સલી ઠાર, એક જવાન ઘાયલ

અરુણાચલ પ્રદેશના ખોંસા વિસ્તારમાં શનિવાર છ વાગ્યે સુરક્ષાદળો સાથે થયેલી મુઠભેડમાં 6 નક્સલવાદી ઠાર કરાયા હતા, ત્યારબાદ સર્ચ ઓપરેશન કરતા ઘટના સ્થળેથી 6 હથિયારની સાથે અન્ય યુદ્ધ સામગ્રી મળી હતી.

નવી દિલ્હીઃ અરુણાચલ પ્રદેશના લોંગોડિંગ જિલ્લાના એનગિનૂ ગામમાં સર્ચ ઓપરેશન થયું હતું. જેમાં આસામ રાઈફલ્સેે નક્સલવાદી ઠાર માર્યા હતાં. મળતી માહિતી પ્રમાણે, આ મુઠભેડમાં આસામ રાઈફલ્સનો એક જવાન પણ ઘાયલ થયો હતો.

મળતી માહિતી અનુસાર, આ અભિયાનમાં માર્યા ગયેલા તમામ આતંકવાદીઓ નાગા આતંકવાદી સંગઠન NSCN (આઈએમ)ના હોવાની શક્યતા છે. આ અંગે એક અધિકારીએ જણાવ્યું હતું કે, આ એન્કાઉન્ટર સવારે લગભગ 4.30 વાગ્યે થયું હતું. બાદમાં ત્યાં તપાસ કરતાં ઘટના સ્થળેથી 6 શસ્ત્રો સહિત અન્ય સામગ્રી મળી હતી.

અરુણાચલ પ્રદેશના DGPએ જણાવ્યું હતું કે, એન્કાઉન્ટર બાદ સ્થળ પરથી ચાર એકે-47 રાઇફલ્સ અને બે ચીની એમ.સી.યુ. મળી આવ્યાં છે. હાલમાં આ વિસ્તારમાં સર્ચ ઓપરેશન ચાલી રહ્યું છે.