આંધ્ર પ્રદેશ : રાજ્યના વિશાખાપટ્ટનમની એલજી પોલિમર ઇન્ડસ્ટ્રીમાં ફરી એકવાર ગેસ લીક થવાની ઘટના બની હતી. 24 કલાકમાં વિશાખાપટ્ટનમમાં ફરી એકવાર કેમિકલ પ્લાન્ટમાંથી ગેસ લીક થયો હતો. તેમાં પણ મહત્વના વાત એ છે કે, આ ગેસ જે પ્લાન્ટમાંથી ગતરોજ લીક થયો હતો તે જ પ્લાન્ટમાં ફરી લીક થયો હતો.
આ ઘટનાને લઇ સમગ્ર વિસ્તારમાં ફરી એકવાર અફરાતફરી મચી હતી. આ ઘટનાને પગલે ફાયર વિભાગની 60 ગાડીઓ ઘટના સ્થળે પહોંચી છે તેવી માહિતી પ્રાપ્ત થઇ છે.
ગંભીર ઘટનાને પગલે તંત્રએ 5 કિલોમીટર વિસ્તારના લોકોને ખસેડ્યા છે. આ સમગ્ર ઘટનાની ગંભીરને ઘ્યાને લઇને NGT આજરોજ શુક્રવારે આ મામલે વધુ સુનાવણી હાથ ધરશે.
ઉલ્લેખનિય છે કે, ગતરોજ વિશાખાપટ્ટનમમાં સ્ટાયરીન ગેસ લીક થયો હતો. જેના પગલે 11 લોકોના મોત થયા હતા.
