બીજિંગ/નવી દિલ્હીઃ ભારત કોરોનાવાઇરસના કેન્દ્ર ચીનના વુહાન શહેરથી પોતાના નાગરિકોને શુક્રવારના રોજ ભારત પરત લાવવાની તૈયારીમાં છે. ભારત પોતાના વિદ્યાર્થીઓને પરત લાવવા માટે બે વિમાન મોકલશે, ભારતે ચીનના હુબેઇમાં પોતાના નાગરિકોને પરત લાવવા ઓછામાં ઓછા બે વિમાનની અરજી કરી છે.
ભારતીય દૂતાવાસે સોશિયલ મીડિયામાં એડ દ્વારા જણાવ્યું કે, વાઇરસથી પ્રભાવિત વિસ્તારમાંથી ભારતીય લોકોને લઇ આવવાની તૈયારી કરવામાં આવી રહી છે.
એડમાં જણાવ્યું કે, અમે લોકો શુક્રવારની સાંજે વિમાન દ્વારા લોકોને ચીનમાંથી ભારત લઇ આવવાની તૈયારી કરી રહ્યા છીએ. આ વિમાનમાં એવા ભારતીઓને બેસાડવામાં આવશે જે વુહાન અને તેની આસપાસ વસવાટ કરે છે અને જે ભારત આવવા તૈયાર છે, ત્યારબાદ બીજુ એક વિમાન મોકલવામાં આવશે જે હુબઇ વિસ્તારના બાકીના ભાગમાં રહેનાર લોકોને લઇ આવશે.
એડમાં જણાવ્યું કે, કૃપયા ધ્યાન દિ જિ યે જાનકારી સંભવિત હૈ ઓર ઇસે આપકો સાજા કિયા જા રહા હૈ તાકી આપ પહેલે સે હી તૈયાર રહે. ઈસકે અનુસાર, હમ આપસે વિવેકપૂર્ણ વ્યવહાર ઓર સહયોગ કા અનુરોધ કરતે હૈ, હમારી મંશા ઊન સભી કો યહ સુવિધા ઉપલબ્ધ કરાને અને સુરક્ષિત ભારત પહુંચાને કી હૈ જિન્હોને દેશ લૌટને કી ઇચ્છા જતાઇ હૈ. હમલોગ જલ્દ હી આપકો નયી જાનકારી ઓર નિર્દેશ દેંગે.
મળતી માહિતી મુજબ એયર ઇન્ડિયા 747 બોઇંગ વિમાનને ભારતે ફ્લાઇટ તરીકે તૈયાર કર્યા છે. ભારત સિવાયના અન્ય દેશો પણ પોતાના લોકોને પરત લઇ આવવા માટે વિમાન મોકલી રહ્યા છે.
ગુરૂવારના રોજ કોરોનાવાઇરસથી મરનારા લોકોની સંખ્યા 170 પર પહોંચી ગઇ છે જ્યારે ચીનના સ્વાસ્થ આયોગે જાહેર કરેલા નવા કોરોનાવાઇરસના આંકડા મુજબ વધુ 7711 લોકો પ્રભાવિત થયા છે.
