તમિલનાડુની કંપની પર ઈન્કમ ટેક્સના દરોડા, 435 કરોડનું કાળુ નાણું મળી આવ્યું

નવી દિલ્હી: આવક વેરા વિભાગે તમિલનાડુ સ્થિત એક કંપનીમાં દરોડા દરમિયાન 435 કરોડનું કાળુ નાણું જપ્ત કર્યું છે. આ વાતની જાણકારી CBDTએ રવિવારના રોજ આપી હતી.

પ્રાપ્ત વિગતો મુજબ, દરોડા દરમિયાન 32.6 કરોડ રુપિયાના કાળા નાણા સાથે 10 કિલોગ્રામ સોનાને પણ જપ્ત કરવામાં આવ્યું છે.

આયકર વિભાગે આ દરોડા તમિલનાડુના 20 શહેરોમાં 15 નવેમ્બરના રોજ પાડ્યા હતા. જો કે, સેન્ટ્રલ બોર્ડ ઓફ ડાયરેક્ટ ટેક્સ CBDTએ એ નથી જણાવ્યું કે દરોડા ક્યાં પાડવામાં આવ્યા છે.

આ ઉપરાંત કંપનીના નામનો પણ ખુલાસો કરવામાં આવ્યો નથી, જો કે એવું કહેવામાં આવ્યું છે કે, કંપની કરચોરીમાં સામેલ છે.