ચંદ્રબાબૂ નાયડૂએ મહિષાસુર સાથે મોદીની કરી તુલના તો મમતાને કહ્યું 'બંગાળની દુર્ગા'

અમરાવતી: આંધ્રપ્રદેશના મુખ્યપ્રધાન એન.ચંદ્રબાબૂ નાયડૂએ વડાપ્રધાન નરેન્દ્ર મોદીની તુલના મહિષાસુર સાથે કરી હતી. તેઓએ કહ્યું કે, દેશમાં શાંતિ માટે 'બંગાળ દુર્ગા' (પશ્ચિમ બંગાળની મુખ્યપ્રધાન મમતા બેનર્જી)એ તેમને માત આપવાની રહેશે.

તેમણે મોદીને મહિષાસુર અને મમતા બેનર્જીને બંગાળની દુર્ગા કહી છે. પાર્ટીના પોતાના સત્તાવાર ટ્વિટર એકાઉન્ટ નાયડૂએ કહ્યું છે કે, બંગાળ દુર્ગાએ દેશમાં શાંતિ અને સમૃદ્ધિ લઈ આવવા માટે દિલ્હીમાં મહિષાસુર (મોદી)ને હરાવવા પડશે. હિન્દૂ પુરાણ પ્રમાણે દેવી દુર્ગાએ રાક્ષસ મહિષાસુરનો વધ કર્યો હતો. રાજ્યમાં વિપક્ષના નેતા અને વાયએસઆર કોંગ્રેસ પક્ષના અધ્યક્ષ જગન મોહન રેડ્ડી પર નિશાન સાધતા તેદેપાએ કહ્યું કે, ભાજપ એક કથિત આર્થિક અપરાધીનું સમર્થન કરી રહી છે.

તેમણે ટ્વીટમાં લખ્યું છે કે, નરેન્દ્ર મોદી અને તેમની સાથે અમિત શાહ પોતાને સરમુખત્યારી સમજીને તેમજ રાજ્યો પર કબ્જો કરવાના હેતુથી આંધ્રપ્રદેશમાં એક કટ્ટર આર્થિક અપરાધીનું સમર્થન કરી રહી છે. ભાજપના આંધ્રપ્રદેશ ઈકાઈના અધ્યક્ષ કન્ના લક્ષ્મીનારાયણે કહ્યું કે, રાજ્યની જનતા તેમને ગંભીરતાથી લેશે નહીં. નાયડૂ શું કહે છે, તેમને સમજમાં આવતું નથી. નાયડૂએ મોદીની વિરૂદ્ધ જેટલો નકારાત્મક પ્રચાર કર્યો છે, તેટલો કોઈએ પણ કર્યો નથી. તેઓ ચૂંટણી હારી જવાના ડરથી આ પ્રકારનું નિવેદન આપી રહ્યાં છે. તેઓ માનસિક બીમારીનો શિકાર છે. તેમણે સ્વતંત્ર ભારતમાં અસફળ વડાપ્રધાન જોયો નથી.

નાયડૂએ નરેન્દ્ર મોદીની મહિષાસુર સાથે કરી તુલના

નાયડૂએ ટ્વીટ કરીને કહ્યું કે, શું ભારતના ઈતિહાસમાં રક્ષા મંત્રાલય સાથે કોઈ રાષ્ટ્રીય સુરક્ષા સાથે જોડાયેલા દસ્તાવેજ ગુમ થયા છે? જોકે આંધ્રપ્રદેશને વિશેષ રાજ્યનો દરજ્જો આપવાની માગ પૂરી નહીં થવા પર તેદેપા રાજગ ગઠબંધનથી અલગ થયું છે. ત્યારબાદ નાયડૂ સતત ભાજપની અગુવાઈવાળા રાજગ પર હુમલો કરી રહ્યાં છે.