મોદી સરકારે ગાંધી પરિવારની SPG સુરક્ષા હટાવી, Z+ સુરક્ષા મળશે

નવી દિલ્હી: સરકારી સુત્રોના જણાવ્યા અનુસાર સરકારે ગાંધી પરિવારના સભ્યો સોનિયા ગાંધી, રાહુલ ગાંધી અને પ્રિયંકા ગાંધી વાડ્રા પાસેથી એસપીજી સુરક્ષા હટાવી લીધી છે. હવે તેમને Z+ સિક્યુરિટી આપવામાં આવશે. મળતી માહિતી મુજબ, હવે ગાંધી પરિવારની સુરક્ષા Z+ કેટેગરીની રહેશે અને સીઆરપીએફ કમાન્ડો સુરક્ષામાં ફરજ પર રહેશે.

સત્તાવાર સૂત્રોના જણાવ્યા અનુસાર, મોદી સરકારે ગાંધી પરિવારના સભ્યો સોનિયા ગાંધી, રાહુલ ગાંધી અને પ્રિયંકા ગાંધી વાડ્રાની એસપીજી સુરક્ષા પાછી ખેંચી લેવાનો નિર્ણય લીધો છે. હવે તેઓને Z+ સુરક્ષા આપવામાં આવશે.

ગૃહ મંત્રાલયની ઉચ્ચ-સ્તરીય બેઠકમાં આ મહત્વપૂર્ણ નિર્ણય લેવામાં આવ્યો છે, એસપીજીની સુરક્ષા હવે ફક્ત પીએમ મોદીની જ રહેશે. અગાઉ એસપીજીની સુરક્ષા ફક્ત ચાર લોકોની જ હતી, જેમાં પીએમ મોદી સાથે સોનિયા ગાંધી, રાહુલ ગાંધી અને પ્રિયંકા ગાંધીના નામ શામેલ હતા.