બિહાર વિધાનસભા ચૂંટણીની તારીખો જાહેર, જાણો પૂરી ગાઇડલાઇન

બિહાર વિધાનસભા ચૂંટણીની તારીખોની જાહેરાત થઈ ગઈ છે. ચૂંટણી પ્રચાર કે જનસભા દરમિયાન ફરજિયાત માસ્ક પહેરવાનું રહેશે. સમગ્ર ચૂંટણી પ્રક્રિયા દરમિયાન ફરજિયાતપણે સોશિયલ ડિસ્ટન્સિંગનું પાલન કરવાનું રહેશે.

નવી દિલ્હીઃ બિહાર વિધાનસભા ચૂંટણીની તારીખો જાહેર થઇ ચુકી છે. ચૂંટણી 3 તબક્કામાં યોજવામાં આવશે. જેમાં પ્રથમ તબક્કામાં 71 સીટ માટે, બીજા તબક્કામાં 94 સીટ માટે જ્યારે ત્રિજા તબક્કામાં 78 સીટ માટે મતદાન યોજવામાં આવશે. 10 નવેમ્બરના રોજ આ ચૂંટણીનું પરિણામ જાહેર કરવામાં આવશે.

કોરોના મહામારી વચ્ચે 3 ત્રણ તબક્કામાં બિહાર વિધાનસભા ચૂંટણીની જાહેરાત કરવામાં આવી છે. જેમાં મતદાનનો પહેલો તબક્કો 28 ઓક્ટોબરના રોજ, બીજો તબક્કો 7 નવેમ્બરના રોજ જ્યારે ત્રિજો તબક્કો 7 નવેમ્બરના રોજ યોજાશે. આ મતદાન બાદ 10 નવેમ્બરના રોજ મત ગણતરી કરવામાં આવશે.

પહેલો તબક્કો - 28 ઓક્ટોબર

• વિધાનસભા સીટની સંખ્યા - 71
• ચૂંટણીનું જાહેરનામું - 1
• ઉમેદવારી નોંધાવવાની અંતિમ તારીખ - 8 ઓક્ટોબર

બીજો તબક્કો - 3 નવેમ્બર

• વિધાનસભા સીટની સંખ્યા - 94
• ચૂંટણીનું જાહેરનામુ - 9
• ઉમેદવારી નોંધાવાની અંતિમ તારીખ - 18 ઓક્ટોબર

ત્રીજો તબક્કો - 7 નવેમ્બર

• વિધાનસભા સીટની સંખ્યા - 78
• ચૂંટણીનું જાહેરનામુ - 13
• ઉમેદવારી નોંધાવાની અંતિમ તારીખ - 20 ઓક્ટોબર

10 નવેમ્બર - ચૂંટણી પરિણામ

ઉલ્લેખનીય છે કે, કોરોના મહામારી દરમિયાન ચૂંટણીપંચે રાજનૈતિક પાર્ટીઓને આપેલી નિર્દેશનોની સમીક્ષા કરી હતી. આ અંતર્ગત ઈલેક્શન કમિશને ગાઇડલાઇન જાહેર કરી છે.

ચૂંટણીપંચની ગાઈડલાઇન્સ

• કોઈ પણ સંજોગોમાં સામાજિક અંતર જાળવવાનું રહેશે
• ધાર્મિક સ્થળો સહિત મોટા જાહેર કાર્યક્રમો પર પ્રતિબંધ રહેશે
• ગીચ સ્થળોએ થર્મલ સ્ક્રિનિંગ અને સેનિટાઇઝેશન ફરજિયાત રહેશે
• બૂથ દીઠ મતદારોની સંખ્યા ઓછી કરવામાં આવશે
• સામાજિક અંતર જાળવવા બૂથની બહાર માર્કિંગ કરવામાં આવશે
• બિહારની ચૂંટણી માટે ચૂંટણી પંચે દરેક બૂથ પર મતદારોની સંખ્યા નક્કી કરેલી છે
• ચૂંટણી અધિકારીને તમામ જરૂરી સામાન PPE કીટ સાથે આપવામાં આવશે
• બટન દબાવવા માટે ટૂથ પીકન કે ગ્લોવ્સનો ઉપયોગ કરવાનો રહેશે
• 7 લાખથી વધુ હેન્ડ સેનિટાઇઝર્સના એકમો અને 46 લાખ માસ્ક અને 6 લાખ PPE કીટ ઉપલબ્ધ કરવામાં આવશે
• 7.6 લાખ યુનિટ ફેસ શિલ્ડ ઉપલબ્ધ કરવામાં આવશે
• 23 લાખ ગ્લોવ્સ પણ ઉપલબ્ધ કરાવવામાં આવશે.
• 1.89 લાખ બેલેટ યુનિટ EVMનો ઉપયોગ કરવામાં આવશે
• ઉમેદવારો ઓનલાઈન ઉમેદવારી નોંધાવી શકશે
• ઉમેદવારી નોંધાવતા સમયે બેથી વધુ વાહનોનો ઉપયોગ કરવા પર પ્રતિબંધ
• 5 કરતા વધુ લોકો ઘરે જઈને પ્રચાર કરી શકશે નહીં
• પ્રચાર દરમિયાન સામાજિક અંતર જાળવી રાખવું ફરજિયાત રહેશે
• મતદાનના છેલ્લા કલાકમાં કોરોના દર્દીઓ મતદાન કરી શકશે
• ચૂંટણી પ્રચાર માત્ર વર્ચુઅલ રહેશે
• તમામ મતદાન મથકો ગ્રાઉન્ડ ફ્લોર પર રહેશે