આ યુવતીએ જણાવ્યું છે કે, થોડા દીવસો પહેલા એક દલિત યુવક સાથે લગ્ન કરી લીધા છે. આ વાતની જાણ BJPના ધારાસભ્યને થતા તેમણે પોતાના ગુંડા તેમની પાછળ લગાવી દીધા હતા. આ વાતથી કંટાળીને તેણે સોશ્યલ મીડિયા પર એક વિડીયો વાયરલ કર્યો છે. તેનું કહેવુ છે કે, તેણે પોતાના પરિવાર વિરુદ્ધ જઇને લગ્ન કર્યા છે. જો કે, આ વિડીયો બાદ જિલ્લા SPએ તેમને સુરક્ષા આપવાનું જણાવ્યુ છે. જો કે, હાલ તેઓ ક્યાં છે તે વીશે પોલીસને કોઇ પણ માહિતી પ્રાપ્ત થઇ નથી.
ઉલ્લેખનીય છે કે, આ યુવતીના પિતા રાજેશ કુમાર મિશ્રા ઉર્ફે પપ્પુ ભરતોલે આ વિડીયો બાબતે 3 દિવસ બાદ પ્રતિક્રીયા આપી હતી. જેમાં તેમણે કહ્યું છે કે, તેમણે કોઇને કોઇ પણ પ્રકારની ધમકી આપી નથી. છોકરી પુખ્ત વયની છે માટે તે લગ્ન કરી શકે છે. તેઓ હાલ પાર્ટીના કામમાં વ્યસ્ત છે.
આ બાબતે વધુમાં યુવતીએ વિડીયો દ્વારા તેના ભાઇ અને પિતાને અપીલ કરી છે કે, તેઓ તેને અને તેના પતિ અભિને પોતાની મર્જીથી જિંદગી જીવવા દે, તેઓ સાથે ખુશ રહેશે. સાથે જ તેણે કહ્યું છે કે, તેને કે તેના પતિ અભિને કોઇ પણ નુકસાન પહોંચે છે તો તેના ધારાસભ્ય પિતા આ માટે સંપૂર્ણ રીતે જવાબદાર ગણવામાં આવશે.
