ગુવાહાટી(આસામ): આસામમાં પૂરને કારણે વધુ ત્રણ લોકોનાં મોત થયાં છે. જ્યાં પૂરમાં 27.64 લાખ લોકો અસરગ્રસ્ત છે. જ્યારે અનેક સ્થળોએ ઘર, પાકા રસ્તાઓ અને પુલ ધરાશાયી થયાં છે.
આસામ પૂર,મોતની સંખ્યા 105 પર પહોંચી, 3 વધુ મૃત્યુ પામ્યા, 27.64 લાખ લોકો અસરગ્રસ્ત
આસામ રાજ્ય ડિઝાસ્ટર મેનેજમેન્ટ ઓથોરિટીએ પૂર વિશે જણાવ્યું છે કે, પૂરને કારણે 105 લોકો મોત થયાં છે. જેમાં ભૂસ્ખલનથી મરનારા 26 લોકો સામેલ છે. ચાલુ ચોમાસાની સીઝનમાં કાઝીરંગા નેશનલ પાર્કમાં 90 પ્રાણીઓનાં મોત થયાં છે.
આ અંગે મુખ્ય સચિવ કુમાર સંજય કૃષ્ણાએ જણાવ્યું કે, પૂરના સંચાલનમાં કોઈ સમસ્યા નથી. કારણ કે, પૂર માટે સરકારી કર્મચારીઓની અલગ અલગ ટીમ તહેનાત કરવામાં આવી છે.
