આંધ્ર પ્રદેશ: છેલ્લા 24 કલાક દરમિયાન આધ્ર પ્રદેશમાં 52 કોરોનાના નવા પોઝિટિવ કેસ સામે આવ્યા છે. આ સાથે રાજ્યમાં કુલ પોઝિટિવ કેસોની સંખ્યા વધીને 2282 થઈ ગઈ છે.
આંધ્ર પ્રદેશ રાજ્યમાં 1527 દર્દીઓ સ્વસ્થ થતા તેમને રજા આપવામાં આવી છે. સદભાગ્યે છેલ્લા 24 કલાકમાં કોઈ મૃત્યુ નોંધાયું નથી. જ્યારે રાજ્યમાં કુલ 50 લોકો મૃત્યુ પામ્યા છે.
ઉલ્લેખનીય છે કે, દેશમાં કોરોના વાઈરસ કાળો કહેર વર્તાવી રહ્યો છે. ભારતમાં કુલ 90 હજારથી વધુ લોકોને કોરોનાનો ચેપ લાગ્યો છે, જ્યારે અત્યાર સુધીમાં 2800થી વધુ લોકોના મોત નિપજ્યા છે. કોવિડ-19ના ફેલાવાને કારણે લાગુ કરાયેલું લોકડાઉન 31 મે સુધી લંબાવવામાં આવ્યું છે.
