તો હવે છત્રી સાથે રાખવાનું ભૂલતા નહીં, સમગ્ર ગુજરાતમાં છે વરસાદની સંભાવના, જાણો - GUJARAT WEATHER FORECAST

જૂન આવતા ચોમાસાની ઋતુની શરૂઆત થઈ જાય છે. આ વર્ષે મધ્ય જૂન સુધી પહોંચતા ભારતના દક્ષિણી રાજ્યોમાં વરસાદ પુરજોરમાં છે, પરંતુ ગુજરાતમાં આવા કોઈ એંધાણ ન દેખાતા લોકો વરસાદની રાહ જોઈ રહ્યા છે. પણ તમને જણાવી દઈએ કે, આગામી ચાર દિવસે સંપૂર્ણ ગુજરાતમાં અલગ અલગ સ્તરે વરસાદની સંભાવના નોંધાઈ છે. તો જાણો આ હવામાન અપડેટ વિશે. GUJARAT WEATHER FORECAST

અમદાવાદ: ગુજરાતમાં ચોમાસાએ હવે જોર પકડયું છે. અને વરસાદ આગળ વધતાં રાજ્યના દક્ષિણ વિસ્તારોમાં ભારે વરસાદ વરસે તેવી સંભાવના દેખાઈ રહી છે. અહીં નોંધનીય છે કે, છેલ્લા બે અઠવાડિયાથી વરસાદનું જોર ગુજરાતમાં એકહું જોવા મળ્યું હતું. અને ભારે ઉનાળાની ગરમીથી ત્રાસી ગયેલા લોકો ચાતકડોળે ધોધમાર વરસાદ વર્ષે તેની રાહ જોઈ રહેલા છે. જ્યારે હવામાન વિભાગ દ્વારા જાહેર કરેલ પૂર્વાનુમાન અનુસાર સમગ્ર ગુજરાતમાં અલગ અલગ સ્તરે વરસાદ વરશશે તેવી સંભાવના દર્શાવી છે.

તો કયા જિલ્લામાં છે વરસાદની સંભાવના: આજ રોજ એટલે કે 22 જૂને દક્ષિણી વિસ્તારમાં ગાજવીજ સાથે છૂટ છવાયા સ્થળોએ હળવા વરસાદની સંભાવના છે. નોંધનીય છે કે હવે ચોમાસું સૌરાષ્ટ્રના ભાગ તરફ વધી રહ્યું છે. એટલે કે અહીં 26 થી 50% જેટલો વરસાદ થશે. આ વિસ્તારોમાં બનાસકાંઠા, પાટણ, મહેસાણા, સાબરકાંઠા, ગાંધીનગર, અરવલ્લી, ખેડા, અમદાવાદ, આણંદ, પંચમહાલ, દાહોદ, મહિસાગર, વડોદરા, છોટા ઉદેપુર, નર્મદા, ભરૂચ, સુરત, ડાંગ, તાપી, નવસારી, વલસાડ અને દમણ, દાદરા નગર હવેલી, તેમજ સૌરાષ્ટ્ર-કચ્છના તમામ જિલ્લાઓ એટલે કે સુરેન્દ્રનગર, રાજકોટ, જામનગર, પોરબંદર, જૂનાગઢ, અમરેલી, ભાવનગર, મોરબી, દ્વારકા, ગીર સોમનાથ, બોટાદ, કચ્છ અને દીવનો સમાવેશ થાય છે.

22 જૂન માટે વરસાદનું પૂર્વાનુમાન (Etv Bharat Gujarat)