અમદાવાદ: આજરોજ મ્યુનિ. સ્ટેન્ડિંગ કમિટી દ્વારા થલતેજ ગામના એક કિલોમીટરથી વધુના રોડને 36 મીટરનો કરવા માટે રોડ લાઈન કપાતની મંજૂરી આપવામાં આવી છે. આ રોડ લાઈનમાં 188 જેટલા બાંધકામો કપાતમાં આવશે. જેમાં 93 રહેણાંક, 75 કોમર્શિયલ, અને 17 ખુલી જગ્યા કપાતમાં આવશે.
થલતેજ મેટ્રો પાસેનો રોડની 36 મીટર પહોળો કરાશે, આસપાસ 188 બાંધકામોની કપાત થશે (Etv Bharat Gujarat)
રોડ બનાવવા માટે જે લોકોનું બાંધકામ કપાતમાં જતું હોય તેને AMC નિયમો પ્રમાણે વળતર આપવાનો નિર્ણય AMC સ્ટેન્ડિંગ કમિટી આજની બેઠકમાં લેવામાં આવ્યો છે.
AMC સ્ટેન્ડિંગ કમિટીના ચેરમેન દેવાંગ દાણીએ જણાવ્યું હતું કે, 'ઘણા લોકો મકાનના બદલામાં મકાનની અને પ્લોટના બદલામાં પ્લોટની માંગણી કરી રહ્યા છે, પરંતુ કોર્પોરેશનના નિયમ પ્રમાણે જે વળતર ચૂકવવામાં આવતું હોય તે જ ચૂકવવામાં આવશે.'
આ પણ વાંચો:
