નવી દિલ્હીઃ વડાપ્રધાન નરેન્દ્ર મોદીએ ઓલિમ્પિક મેડલ વિજેતા નીરજ ચોપરાની માતા સરોજ દેવીને એક ભાવનાત્મક પત્ર લખ્યો છે. પત્રમાં વડાપ્રધાને નવરાત્રી પહેલા ચુરમા મોકલવા બદલ નીરજની માતાનો આભાર માન્યો છે.
પીએમ મોદીએ પત્રની શરૂઆત આદરપૂર્વકની શુભેચ્છાઓ સાથે કરી અને આશા વ્યક્ત કરી કે નીરજની માતા સ્વસ્થ, સુરક્ષિત અને ખુશ છે. વડાપ્રધાને લખ્યું કે, સરોજ દેવી દ્વારા આપવામાં આવેલ ચુરમા તેમને તેમની માતાની યાદ અપાવે છે.
વડાપ્રધાન નરેન્દ્ર મોદીએ પત્રમાં લખ્યું છે કે, 'આદરપૂર્વક શુભેચ્છાઓ! હું આશા રાખું છું કે તમે સ્વસ્થ, સલામત અને ખુશ છો. ગઈ કાલે મને જમૈકાના વડા પ્રધાનની ભારત મુલાકાત નિમિત્તે આયોજિત ભોજન સમારંભમાં ભાઈ નીરજને મળવાની તક મળી. અમારી ચર્ચા દરમિયાન તેમણે મને તમારા દ્વારા તૈયાર કરેલો સ્વાદિષ્ટ ચુરમા આપ્યો ત્યારે મારી ખુશીમાં વધુ વધારો થયો. આજે આ ચૂરમા ખાધા પછી હું મારી જાતને લખતા રોકી શક્યો નહિ. ભાઈ નીરજ ઘણીવાર મારી સાથે આ ચૂરમા વિશે વાત કરે છે, પણ આજે તેનો સ્વાદ ચાખ્યા પછી હું ભાવુક થઈ ગયો. તમારા અપાર પ્રેમ અને હૂંફથી ભરેલી આ ભેટ મને મારી માતાની યાદ અપાવે છે.
PHOTO | PM Modi's letter to India's two-time Olympic medal-winning javelin throw star Neeraj Chopra's mother Saroj Devi.
— Press Trust of India (@PTI_News) October 2, 2024
(Source: Third Party) pic.twitter.com/QjnePhYWFM
તેમણે આગળ લખ્યું, 'નવરાત્રિના આ 9 દિવસો દરમિયાન હું ઉપવાસ કરું છું. એક રીતે જોઈએ તો મારા ઉપવાસ પહેલા તમારો ચુરમા મારો મુખ્ય આહાર બની ગયો છે. તમારા દ્વારા તૈયાર કરવામાં આવેલ ભોજન જે રીતે ભાઈ નીરજને દેશ માટે મેડલ જીતવાની ઉર્જા આપે છે, તેવી જ રીતે આ ચૂરમા મને આગામી 9 દિવસ દેશની સેવા કરવાની શક્તિ આપશે.
પીએમએ વધુમાં લખ્યું, 'શક્તિના આ નવરાત્રિ પર્વના અવસર પર, હું તમને અને દેશભરની તમામ માતાઓને ખાતરી આપું છું કે હું વિકસિત ભારતના સ્વપ્નને સાકાર કરવા માટે હજુ પણ વધુ સમર્પણ સાથે અથાક કામ કરવાનું ચાલુ રાખીશ.'
તમને જણાવી દઈએ કે, ગયા મહિને બ્રસેલ્સમાં ડાયમંડ લીગ ફાઇનલમાં નીરજે પુરુષોની ભાલા ફેંક સ્પર્ધામાં પોતાનું શાનદાર પ્રદર્શન ચાલુ રાખ્યું હતું અને બીજા સ્થાને રહ્યો હતો. તે માત્ર 0.01 મીટરના અંતરથી ગોલ્ડ મેડલ ચૂકી ગયો. ગ્રેનાડાના એન્ડરસન પીટર્સે 87.87 મીટરના થ્રો સાથે ટોચનું સ્થાન હાંસલ કર્યું હતું. જર્મનીના જુલિયન વેબર 85.97 મીટર સાથે ત્રીજું શ્રેષ્ઠ પ્રદર્શન ધરાવે છે.
આ પણ વાંચો:
