નવી દિલ્હીઃ ભારતે પેરિસ પેરાલિમ્પિક્સમાં સાતમો મેડલ નિષાદ કુમારના રૂપમાં મેળવી લીધો છે. પેરિસ પેરાલિમ્પિક્સમાં પુરુષોની ઊંચી કૂદની T47 ઇવેન્ટમાં નિશાદે શાનદાર પ્રદર્શન કરીને સિલ્વર મેડલ જીતી ચૂક્યો છે. આ મેડલ સાથે જ ભારતની કુલ મેડલ સંખ્યા પણ વધીને 7 થઈ ગઈ છે.
Nishad Kumar has secured a silver medal in the men's high jump at the Paris 2024 Paralympics, marking his second consecutive silver in this event after Tokyo 2020. With a jump of 2.04m, Nishad's remarkable consistency continues to inspire athletes across India. #Paralympics2024… pic.twitter.com/RC0uqndBf3
— DD News (@DDNewslive) September 2, 2024
આ ઈવેન્ટમાં નિષાદનો મોટો કૂદકો 2.04 મીટરનો હતો, જે તેનો આ સિઝનનો સર્વશ્રેષ્ઠ જમ્પ પણ હતો. યુએસએના રોડરિક ટાઉનસેન્ડે 2.12 મીટરના સૌથી વધુ કૂદકા સાથે ગોલ્ડ મેડલ જીત્યો હતો, જ્યારે તટસ્થ પેરાલિમ્પિક એથ્લેટ્સનું પ્રતિનિધિત્વ કરતા જ્યોર્જી માર્ગીવે 2.00 મીટરના જમ્પ સાથે બ્રોન્ઝ મેડલ જીત્યો હતો.
Heartiest congratulations to Nishad Kumar for winning a silver medal in the high jump at the Paris Paralympics. It is his successive silver medal in the high jump event after his Tokyo Paralympic silver medal. His consistency and excellence can be emulated by sportspersons in our…
— President of India (@rashtrapatibhvn) September 2, 2024
નિષાદ કુમારની આ શાનદાર જીત બદલ દેશના રાષ્ટ્રપતિ અને ઉપરાષ્ટ્રપતિએ X પર્વ પોસ્ટ કરીને અભિનંદન પાઠવ્યા હતા. તેમણે લખ્યું કે, "પેરિસ પેરાલિમ્પિક્સમાં ઉંચી કૂદમાં સિલ્વર મેડલ જીતવા બદલ નિષાદ કુમારને હાર્દિક અભિનંદન. ટોક્યો પેરાલિમ્પિક્સમાં સિલ્વર મેડલ જીત્યા બાદ હાઈ જમ્પ ઈવેન્ટમાં આ તેનો સતત બીજો સિલ્વર મેડલ છે. તેની સાતત્ય અને શ્રેષ્ઠતાનું આપણા દેશના ખેલાડીઓ અનુકરણ કરી શકે છે. હું તેને સતત સફળતા અને ગૌરવની ઇચ્છા કરું છું."
Nishad Kumar continues to bring glory to the nation!
— Vice-President of India (@VPIndia) September 2, 2024
Heartiest congratulations to Nishad Kumar for securing the Silver medal in the T47 High Jump event at the #ParisParalympics2024!
This second medal, following his success at the Tokyo Paralympics, is a testament to his hard…
નિષાદે ત્રણ વર્ષ પહેલા ટોક્યો પેરાલિમ્પિકમાં પણ સિલ્વર મેડલ જીત્યો હતો. ત્યારબાદ તેણે ટોક્યોમાં 2.06 મીટરની છલાંગ લગાવી હતી. T47 એ એવા સ્પર્ધકો માટે છે જેમને કોણી અથવા કાંડા નીચે અંગવિચ્છેદન અથવા અન્ય વિકલાંગતા છે. દિવસની શરૂઆતમાં, પ્રીતિ પાલે ઇતિહાસ રચ્યો હતો જ્યારે તે પેરાલિમ્પિક્સમાં બે મેડલ જીતનારી પ્રથમ ભારતીય મહિલા ટ્રેક અને ફિલ્ડ એથ્લેટ બની હતી.
પ્રીતિએ 200 મીટર T35 કેટેગરીમાં 30.01 સેકન્ડના વ્યક્તિગત શ્રેષ્ઠ સમય સાથે બ્રોન્ઝ મેડલ જીત્યો હતો. 23 વર્ષની પ્રીતિ એક જ પેરાલિમ્પિકમાં બે બ્રોન્ઝ જીતનારી બીજી ભારતીય મહિલા બની હતી. અગાઉ શૂટર અવની લેખારાએ ત્રણ વર્ષ પહેલા ટોક્યોમાં ગોલ્ડ અને બ્રોન્ઝ મેડલ જીત્યો હતો.
