કુસ્તીબાજ અમન સેહરાવતે ઓલિમ્પિકમાં લહેરાવ્યો ત્રિરંગો, ભારતને અપાવ્યો છઠ્ઠો મેડલ - wrester aman sehrawat

ભારતના સ્ટાર રેસલર અમન સેહરાવતે પેરિસ ઓલિમ્પિકમાં ભારતને છઠ્ઠો મેડલ અપાવ્યો છે. ભારતીય કુસ્તીબાજ અમને પુરુષોની ફ્રી સ્ટાઇલ 57 કિગ્રા કુસ્તીની બ્રોન્ઝ મેડલ મેચમાં જીત હાંસલ કરીને ઈતિહાસ રચી દીધો છે. સંપૂર્ણ સમાચાર વાંચો. aman sehrawat won bronze medal

નવી દિલ્હી: ભારતીય કુસ્તીબાજ અમન સેહરાવતે શુક્રવારે પુરૂષોની 57 કિગ્રા ફ્રી સ્ટાઇલ બ્રોન્ઝ મેડલ મુકાબલામાં પ્યુર્ટો રિકોના ડેરિયન ક્રુઝને 13-5થી હરાવ્યો હતો. પેરિસ ઓલિમ્પિક 2024માં ભારતનો આ 5મો બ્રોન્ઝ મેડલ અને એકંદરે 6મો મેડલ છે.

AMAN SEHRAWAT - Remember the name! 🤼

Catch all the Olympics action LIVE on #Sports18 & stream FREE on #JioCinema.#OlympicsOnJioCinema #OlympicsOnSports18 #JioCinemaSports #Olympics #Paris2024 #Wrestling pic.twitter.com/V8vUfA3qRv

— JioCinema (@JioCinema) August 9, 2024

ભારતે પેરિસમાં કુસ્તીમાં પહેલો મેડલ જીત્યો

આ જીત સાથે, ભારતના એકમાત્ર પુરુષ કુસ્તીબાજ અમન સેહરાવતે, પેરિસમાં તેની પ્રથમ ઓલિમ્પિકમાં રમીને, દેશને પેરિસ ઓલિમ્પિકમાં કુસ્તીમાં પહેલો મેડલ અપાવ્યો છે. અગાઉ, વિનેશ ફોગાટ કમનસીબે મેડલ જીતવામાંથી ચૂકી ગઈ હતી.

𝐌𝐄𝐃𝐀𝐋 𝐚𝐚 𝐠𝐚𝐲𝐚 𝐡𝐚𝐢 𝐩𝐫𝐚𝐛𝐡𝐮! 🔥🔥🔥

𝐀𝐦𝐚𝐧 𝐒𝐞𝐡𝐫𝐚𝐰𝐚𝐭 𝐰𝐢𝐧𝐬 𝐁𝐑𝐎𝐍𝐙𝐄 𝐦𝐞𝐝𝐚𝐥 𝐢𝐧 𝐖𝐫𝐞𝐬𝐭𝐥𝐢𝐧𝐠 @wrestling #wrestling #Paris2024 #Paris2024withIAS pic.twitter.com/KmM6aRFt2k

— India_AllSports (@India_AllSports) August 9, 2024

સમગ્ર મેચમાં અમન સેહરાવતે વર્ચસ્વ જમાવ્યું

બ્રોન્ઝ મેડલના મુકાબલામાં, અમને પ્રથમ રાઉન્ડમાં ક્લોઝ હરીફાઈ બાદ 6-4ની લીડ મેળવી હતી. જો કે, ભારતીય કુસ્તીબાજ બીજા રાઉન્ડમાં મેટ પર પ્રભુત્વ જમાવ્યું અને ક્રુઝને 7 પોઈન્ટથી પાછળ રાખી દીધો. આપને જણાવી દઈએ કે 21 વર્ષીય અમન ગયા વર્ષે એશિયન ગેમ્સમાં એશિયન ચેમ્પિયન અને બ્રોન્ઝ મેડલ વિજેતા હતો.

BRONZE MEDAL IT IS!!!
Our 6th medal at @paris2024 after a comfortable win for Aman Sherawat in the Bronze Medal match! 👏🏽👏🏽#JeetKaJashn | #Cheer4Bharat pic.twitter.com/jgdYKxCSBi

— Team India (@WeAreTeamIndia) August 9, 2024

સેમિફાઇનલમાં અમનની હાર

સેમીફાઈનલમાં પડકારજનક મેચ હાર્યા બાદ અમન બ્રોન્ઝ મેડલ મેચમાં પહોંચ્યો હતો. તેને સેમિફાઇનલ મેચમાં જાપાનના રેઇ હિગુચી સામે હારનો સામનો કરવો પડ્યો હતો. જે ભૂતપૂર્વ વર્લ્ડ ચેમ્પિયન અને રિયો 2016 ઓલિમ્પિકના સિલ્વર મેડલ વિજેતા છે. ટેક્નિકલ શ્રેષ્ઠતાના આધારે અમનને હિગુચીએ 10-0થી હરાવ્યો હતો.

More pride thanks to our wrestlers!

Congratulations to Aman Sehrawat for winning the Bronze Medal in the Men's Freestyle 57 kg at the Paris Olympics. His dedication and perseverance are clearly evident. The entire nation celebrates this remarkable feat.

— Narendra Modi (@narendramodi) August 9, 2024

શરૂઆતની મેચોમાં શાનદાર જીત

સ્પર્ધામાં અગાઉ, અમને તેની શરૂઆતની મેચો સરળતાથી જીતીને તેની મજબૂત રમતનું પ્રદર્શન કર્યું હતું. પ્રી-ક્વાર્ટર ફાઈનલ મેચમાં તેણે મેસેડોનિયાના ભૂતપૂર્વ યુરોપિયન ચેમ્પિયન વ્લાદિમીર એગોરોવને 10-0ની ટેકનિકલ શ્રેષ્ઠતા સાથે હરાવ્યો હતો. આ પછી અમને ક્વાર્ટર ફાઇનલમાં અલ્બેનિયાના ભૂતપૂર્વ વિશ્વ ચેમ્પિયન અને ચોથો ક્રમાંકિત ઝેલિમખાન અબાકારોવને 12-0થી હરાવીને જીત મેળવી હતી.

🥉 K.D Jadhav
🥉 Sushil Kumar
🥉 Yogeshwar Dutt
🥈 Sushil Kumar
🥉 Sakshi Malik
🥈 Ravi Dahiya
🥉 Bajrang Punia
🥉 Aman Sehrawat

𝐎𝐯𝐞𝐫𝐚𝐥𝐥 𝟖 𝐎𝐥𝐲𝐦𝐩𝐢𝐜 𝐦𝐞𝐝𝐚𝐥𝐬 𝐟𝐨𝐫 𝐈𝐧𝐝𝐢𝐚 𝐬𝐨 𝐟𝐚𝐫 𝐢𝐧 𝐖𝐫𝐞𝐬𝐭𝐥𝐢𝐧𝐠 🤼 #Olympics #wrestling pic.twitter.com/DuxqW1RCdb

— India_AllSports (@India_AllSports) August 9, 2024

પોતાના ગુરુ રવિ દહિયાને હરાવીને પેરિસ પહોંચ્યો

21 વર્ષીય અમન પેરિસ ગેમ્સમાં પુરુષોની સ્પર્ધાઓમાં ભાગ લેનાર એકમાત્ર ભારતીય કુસ્તીબાજ હતો. તેમણે પોતાના ખભા પર દેશની અપેક્ષાઓનું ભારણ વહન કર્યું. તેણે ટોક્યો 2020ના સિલ્વર મેડલ વિજેતા અને તેના માર્ગદર્શક રવિ દહિયાને ભારતીય કુસ્તી ટ્રાયલમાં હરાવીને ઓલિમ્પિકમાં પોતાનું સ્થાન મેળવ્યું. હવે અમને પેરિસ ઓલિમ્પિકમાં બ્રોન્ઝ મેડલ જીતીને ઈતિહાસ રચ્યો છે.

પીએમ મોદીએ અભિનંદન પાઠવ્યા

કુશ્તીમાં ભારત માટે બ્રોન્ઝ મેડલ જીત્યા બાદ પીએમ મોદીએ અમન સેહરાવતને અભિનંદન પાઠવ્યા છે. પીએમ મોદીએ X પર પોસ્ટ કરીને લખ્યું, અમને અમારા કુસ્તીબાજોના કારણે વધુ ગર્વ છે! પેરિસ ઓલિમ્પિકમાં પુરુષોની ફ્રી સ્ટાઇલ 57 કિગ્રામાં બ્રોન્ઝ મેડલ જીતવા બદલ અમન સેહરાવતને અભિનંદન. તેમનું સમર્પણ અને નિશ્ચય સ્પષ્ટ દેખાય છે. સમગ્ર દેશ આ નોંધપાત્ર સિદ્ધિની ઉજવણી કરી રહ્યો છે.