ગુજરાત ટાઈટન્સના યુવા કેપ્ટન શુભમન ગિલે ટેસ્ટ કારકિર્દીની 5મી સદી ફટકારી, તોડ્યો વિરાટ કોહલીનો આ શાનદાર રેકોર્ડ... - IND vs BAN 1st Test

બાંગ્લાદેશ વિરૂદ્ધ ચેન્નાઈ ટેસ્ટના ત્રીજા દિવસે ભારતના સ્ટાર બેટ્સમેન શુભમન ગિલે તેની ટેસ્ટ કારકિર્દીની 5મી સદી ફટકારી અને વિરાટ કોહલીનો એક શાનદાર રેકોર્ડ તોડ્યો. વાંચો વધુ આગળ… Shubman Gill breaks Virat Kohli Record

ચેન્નાઈઃ ભારત અને બાંગ્લાદેશ વચ્ચે એમએ ચિદમ્બરમ સ્ટેડિયમમાં રમાઈ રહેલી પ્રથમ ટેસ્ટના ત્રીજા દિવસે ભારતના સ્ટાર બેટ્સમેન શુભમન ગિલે શાનદાર સદી ફટકારી હતી. 25 વર્ષીય જમણા હાથના બેટ્સમેનની ટેસ્ટ કરિયરની આ 5મી સદી છે, જેના કારણે તેણે વિરાટ કોહલીનો એક શાનદાર રેકોર્ડ તોડ્યો છે.

ગિલે ચેન્નાઈ ટેસ્ટના ત્રીજા દિવસે સદી ફટકારીને વિરાટનો રેકોર્ડ તોડ્યો અને વર્લ્ડ ટેસ્ટ ચેમ્પિયનશિપમાં ભારત માટે સૌથી વધુ સદી ફટકારનારા બેટ્સમેનોની યાદીમાં વિરાટ કોહલી પાછળ બીજું સ્થાન હાંસલ કર્યું. શનિવારે બાંગ્લાદેશ સામે ફટકારેલી સદી ગિલની ટેસ્ટ ક્રિકેટ અને WTCમાં 5મી સદી છે, જેના કારણે તે હવે વિરાટ કોહલી, રિષભ પંત અને મયંક અગ્રવાલની 4-4 સદીથી આગળ નીકળી ગયો છે.

Aaj ka toh din hi 𝙎𝙝𝙪𝙗𝙝 hai! 🤌🏻

Shubman Gill joins the centurion party with a stylish 💯#INDvBAN #IDFCFirstBankTestSeries #JioCinemaSports pic.twitter.com/ZpcuwZyjxQ

— JioCinema (@JioCinema) September 21, 2024

વર્લ્ડ ટેસ્ટ ચેમ્પિયનશિપ (WTC)ના ઈતિહાસમાં ભારત માટે સૌથી વધુ સદી ફટકારવાનો એકંદર રેકોર્ડ કેપ્ટન રોહિત શર્માના નામે છે. 37 વર્ષીય જમણા હાથના બેટ્સમેને અત્યાર સુધી રમાયેલી 33 WTC મેચોમાં 9 વખત 100 રનનો આંકડો પાર કર્યો છે.

WTCમાં ભારત માટે સૌથી વધુ સદીઓ :

રોહિત શર્મા - 9

શુભમન ગિલ - 5

વિરાટ કોહલી - 4

મયંક અગ્રવાલ - 4

રિષભ પંત - 4

And, that's the declaration from the Indian Captain.

Shubman Gill and Rishabh Pant bring up their Test centuries as #TeamIndia gets to a total of 287/4 in the second innings.

Scorecard - https://t.co/jV4wK7BgV2… #INDvBAN@IDFCFIRSTBank pic.twitter.com/Q7IBT1zlFm

— BCCI (@BCCI) September 21, 2024

ભારતે બીજી ઈનિંગ (287/4)ના સ્કોર પર ડિકલેર કરી

ચેન્નાઈ ટેસ્ટના ત્રીજા દિવસે, ભારતે 4 વિકેટ ગુમાવીને 287ના સ્કોર પર તેનો બીજો દાવ ડિકલેર કર્યો હતો. ભારતે બાંગ્લાદેશ પર કુલ 514 રનની લીડ મેળવી લીધી છે. ભારત તરફથી બીજા દાવમાં શુભમન ગિલ અને રિષભ પંતે સદી ફટકારી હતી. પંત 109 રન બનાવીને મેહદી હસન મિરાજનો શિકાર બન્યો હતો. તે જ સમયે, ગિલ 10 ચોગ્ગા અને 4 છગ્ગાની મદદથી 119 રનની સદીની ઇનિંગ રમીને અણનમ પાછો ફર્યો હતો.

તમને જણાવી દઈએ કે, શુભમન ગિલે 8 માર્ચ 2024ના રોજ ધર્મશાલામાં ઈંગ્લેન્ડ વિરુદ્ધ તેની છેલ્લી ટેસ્ટમાં પણ ભારત માટે સદી ફટકારી હતી. પરંતુ, ચેન્નાઈ ટેસ્ટના પ્રથમ દાવમાં તે પોતાનું ખાતું પણ ખોલી શક્યો ન હતો.

આ પણ વાંચો: