ખૈબર પખ્તુનખ્વા: પાકિસ્તાનના ખૈબર પખ્તુનખ્વા પ્રાંતમાં બે જાતિઓ વચ્ચેની અથડામણમાં ઓછામાં ઓછા 11 લોકો માર્યા ગયા અને 8 લોકો ઘાયલ થયા હતા. અલ જઝીરાના અહેવાલ મુજબ દેશના ઉત્તર-પશ્ચિમ ભાગમાં આદિવાસીઓ વચ્ચે ગોળીબારની ઘટનામાં બે લોકો ગંભીર રીતે ઘાયલ થયા બાદ કુર્રમ જિલ્લામાં તણાવ વધી ગયો. જોકે, અથડામણનું કારણ જાણી શકાયું નથી.
પરિસ્થિતિને સામાન્ય બનાવવાના પ્રયાસો: જાણવા મળતી માહિતી પ્રમાણે હિંસા ફેલાયા બાદ વિવિધ વિસ્તારોમાં વાહનોને નિશાન બનાવવામાં આવ્યા હતા. જેના પરિણામે અનેક જાનહાનિ પણ થઈ હતી. તમને જણાવી દઈએ કે, ખૈબર પખ્તુનખ્વામાં 4 કરોડથી વધુ લોકો રહે છે જેઓ વિવિધ આદિવાસી જૂથોના છે. ઘાયલોને હોસ્પિટલમાં દાખલ કરવામાં આવ્યા હતા. આ દરમિયાન આ વિસ્તારમાં સુરક્ષા વ્યવસ્થા કડક કરવામાં આવી હતી. પરિસ્થિતિને સામાન્ય બનાવવાના પ્રયાસો કરવામાં આવ્યા હતા.
ભૂતપૂર્વ સાંસદ અને આદિવાસી પરિષદના સભ્ય પીર હૈદર અલી શાહે આ મુદ્દે જણાવ્યું હતું કે, "વડીલો આદિવાસીઓ વચ્ચે શાંતિ કરારની મધ્યસ્થી કરવા માટે કુર્રમ પહોંચ્યા છે. ગોળીબારની તાજેતરની ઘટનાઓ ખેદજનક છે અને સ્થાયી શાંતિ માટેના પ્રયાસોમાં ખલેલ પહોંચાડે છે."
અથડામણમાં 25 લોકો માર્યા ગયા: અલ જઝીરાના અહેવાલ મુજબ આદિવાસી જૂથની બેઠકોને 'જિરગા' તરીકે પણ ઓળખવામાં આવે છે. પ્રદેશમાં શાંતિ અને સ્થિરતા સુનિશ્ચિત કરવા માટે આવી બેઠકો નિયમિતપણે યોજવામાં આવે છે. તમને જણાવી દઈએ કે, ગયા મહિને અન્ય એક ઘટનામાં, જમીન વિવાદને લઈને સશસ્ત્ર શિયા અને સુન્ની મુસ્લિમો વચ્ચેની અથડામણમાં ઓછામાં ઓછા 25 લોકો માર્યા ગયા હતા.
સશસ્ત્ર શિયા અને સુન્ની મુસ્લિમો: રિપોર્ટ અનુસાર બંને સમુદાયો દેશમાં મોટાભાગે શાંતિપૂર્ણ રીતે રહે છે. જોકે કેટલાક વિસ્તારોમાં, ખાસ કરીને કુર્રમ, જ્યાં શિયા મુસ્લિમોનું વર્ચસ્વ છે, તેમની વચ્ચે દાયકાઓથી તણાવ યથાવત છે. આ પ્રદેશમાં અથડામણોમાં વધારો જોવા મળ્યો છે કારણ કે ગયા મહિને જ સશસ્ત્ર શિયા અને સુન્ની મુસ્લિમો વચ્ચે જમીન વિવાદને લઈને 20 થી વધુ લોકો માર્યા ગયા હતા.
બલૂચિસ્તાન લિબરેશન આર્મી: આ દરમિયાન શનિવારે બલૂચિસ્તાન લિબરેશન આર્મી (BLA) એ બલૂચિસ્તાનમાં કોલસાની ખાણ પર થયેલા હુમલાની જવાબદારી સ્વીકારી હતી. જેમાં પાકિસ્તાની અને અફઘાન નાગરિકો સહિત 20થી વધુ લોકોના મોત થયા હતા. હુમલામાં ભારે હથિયારો, રોકેટ લોન્ચર અને ગ્રેનેડનો ઉપયોગ કરવામાં આવ્યો હતો.
ઈરાન અને અફઘાનિસ્તાનની સરહદને અડીને આવેલો પ્રાંત: તમને જણાવી દઈએ કે, બલૂચિસ્તાનમાં આવા હુમલા સામાન્ય બની ગયા છે. દેશના દક્ષિણ ભાગને મુખ્ય પ્રાકૃતિક સંસાધનોનું ઘર માનવામાં આવે છે, પરંતુ તેના લાભો તેના નાગરિકોના જીવનની ગુણવત્તા સુધારવામાં મદદરૂપ થઈ રહ્યાં નથી. બલૂચિસ્તાનથી કાર્યરત સંગઠનોએ ઈસ્લામાબાદમાં કેન્દ્ર સરકાર પર પ્રાંતના સમૃદ્ધ તેલ અને ખનિજ સંસાધનોનો ઉપયોગ કરીને દેશના સૌથી મોટા અને સૌથી ઓછી વસ્તીવાળા પ્રાંતમાં સ્થાનિક વસ્તીને નુકસાન પહોંચાડવાનો આરોપ મૂક્યો છે. આ પ્રાંત ઈરાન અને અફઘાનિસ્તાનની સરહદને અડીને આવેલો છે.
આ પણ વાંચો:
