નવી દિલ્હીઃ જમ્મુ-કાશ્મીરમાં વધી રહેલી આતંકવાદી ઘટનાઓને લઈને રક્ષા મંત્રી રાજનાથ સિંહે મહત્વપૂર્ણ બેઠક બોલાવી છે. સાઉથ બ્લોકમાં ચાલી રહેલી આ બેઠકમાં NSA અજીત ડોભાલ, ભારતીય સેના પ્રમુખ જનરલ ઉપેન્દ્ર દ્વિવેદી અને અન્ય સુરક્ષા એજન્સીઓના વડાઓ ભાગ લઈ રહ્યા છે. આ બેઠકમાં સંરક્ષણ સચિવ અને ડીજીએમઓ (ડાયરેક્ટર જનરલ ઓફ મિલિટરી ઓપરેશન્સ) પણ હાજર છે.
કોણ કોણ છે આ બેઠકમાં હાજર?
કેન્દ્ર શાસિત પ્રદેશ જમ્મુ-કાશ્મીરમાં આતંકવાદી ઘટનાઓને ધ્યાનમાં રાખીને સંરક્ષણ પ્રધાન રાજનાથ સિંહે બુધવારે એક મહત્વપૂર્ણ બેઠક બોલાવી હતી. મળતી માહિતી અનુસાર, આ બેઠકમાં રક્ષા સચિવ ગિરધર અરમાને, રાષ્ટ્રીય સુરક્ષા સલાહકાર અજીત ડોભાલ, આર્મી ચીફ જનરલ ઉપેન્દ્ર દ્વિવેદી, ડાયરેક્ટર જનરલ ઓફ મિલિટરી ઓપરેશન્સ-લેફ્ટનન્ટ જનરલ પ્રતીક શર્મા અને સુરક્ષા સંબંધિત એજન્સીઓના વડાઓ હાજર છે.
સૈનીકોની શહીદી અને નાગરિકોના પણ મોત થયા
આ ઘટના સ્વતંત્રતા દિવસના એક દિવસ પહેલા 15 ઓગસ્ટે બની હતી. દરમિયાન, જાહેર સુરક્ષા સુનિશ્ચિત કરવા માટે સ્વતંત્રતા દિવસ પહેલા જમ્મુ અને કાશ્મીરમાં સુરક્ષા દળોને હાઇ એલર્ટ પર મૂકવામાં આવ્યા છે. આ પહેલા 10 ઓગસ્ટના રોજ અનંતનાગમાં આતંકવાદીઓ અને સુરક્ષા દળો વચ્ચે ગોળીબાર દરમિયાન ઓછામાં ઓછા બે સૈનિકો અને એક નાગરિક માર્યા ગયા હતા.
Defence Minister Rajnath Singh has called an important meeting on rising terror-related incidents in J&K. NSA Ajit Doval, Indian Army chief General Upendra Dwivedi and Heads of other security-related agencies are taking part in the meeting which is underway at South Block. The… pic.twitter.com/118H5TKYQ0
— ANI (@ANI) August 14, 2024
તાજેતરમાં જ લીધી હતી કેન્દ્રશાસિત પ્રદેશની મુલાકાત
જમ્મુ-કાશ્મીરમાં છેલ્લા કેટલાક સમયથી આતંકવાદી ઘટનાઓમાં વધારો થયો છે. આને ધ્યાનમાં રાખીને તાજેતરમાં જ રક્ષા મંત્રી અને આર્મી ચીફ કેન્દ્રશાસિત પ્રદેશની મુલાકાત લીધી હતી અને સુરક્ષા વ્યવસ્થાની સમીક્ષા કરી હતી. આ દરમિયાન આર્મી ચીફે સુરક્ષા એજન્સીઓના વડાઓ સાથે મહત્વપૂર્ણ બેઠક કરી હતી. બાદમાં તેમણે લેફ્ટનન્ટ ગવર્નર સાથે બેઠક પણ કરી હતી. આ અઠવાડિયે પણ જમ્મુ-કાશ્મીરના કેટલાક વિસ્તારોમાં આતંકવાદી પ્રવૃત્તિ જોવા મળી હતી.
લોકસભામાં ગૃહમંત્રાલયે કહ્યું હતું કે...
જુલાઈમાં, ગૃહ મંત્રાલયે લોકસભામાં જણાવ્યું હતું કે આ વર્ષે 21 જુલાઈ સુધી 11 આતંકવાદી ઘટનાઓ અને 24 આતંકવાદ વિરોધી કાર્યવાહીમાં નાગરિકો અને સુરક્ષા કર્મચારીઓ સહિત 28 લોકો માર્યા ગયા હતા. ગયા મહિને, ભારતીય સેનાના જવાનોએ કુપવાડા જિલ્લાના મચ્છલ સેક્ટરમાં નિયંત્રણ રેખા (એલઓસી) પર પાકિસ્તાન બોર્ડર એક્શન ટીમ (બીએટી) દ્વારા કરવામાં આવેલા હુમલાને નિષ્ફળ બનાવ્યો હતો. અથડામણમાં એક પાકિસ્તાની ઘૂસણખોર અને ભારતીય સેનાનો એક જવાન માર્યો ગયો હતો, જ્યારે મેજર રેન્કના અધિકારી સહિત ચાર અન્ય ઘાયલ થયા હતા.
