નવી દિલ્હી: વરિષ્ઠ નાગરિકો નિવૃત્તિ ભંડોળ જેવી જીવનભરની મૂડી બચત ધરાવતા હોય છે. વરિષ્ઠ નિવૃત નાગરિકો તેની સાથે કોઈ જોખમ લેવા માંગતા નથી. આ જ કારણ છે કે તેઓ તેમની મહેનતના પૈસાને એવી જગ્યાએ રોકાણ કરવા માંગે છે કે, જ્યાં તેમના પૈસા સુરક્ષિત રહે, અને તેમને તેના પર વ્યાજની ખાતરી પણ મળે. આ જ કારણ છે કે મોટાભાગના વરિષ્ઠ નાગરિકો બેંક FDમાં રોકાણ કરવાનું પસંદ કરે છે.
પરંતુ જો તમે તમારી બચતને બેંક FDને બદલે માત્ર 5 વર્ષ માટે પોસ્ટ ઓફિસ સિનિયર સિટીઝન સેવિંગ્સ સ્કીમ (SCSS)માં જમા કરો છો, તો તમારા પૈસા 100 ટકા સુરક્ષિત રહેશે અને તમે તેના પર વધુ સારા વ્યાજનો લાભ પણ મેળવી શકશો. હાલમાં સિનિયર સિટીઝન સેવિંગ્સ સ્કીમ 8.2 ટકાના દરે વ્યાજ આપી રહી છે.
SCSS સાથે મહત્તમ કેટલી ડિપોઝિટ કરી શકાય છો?
- કોઈપણ વરિષ્ઠ નાગરિક SCSSમાં રૂ. 30,00,000 સુધીનું રોકાણ કરી શકે છે, જ્યારે લઘુત્તમ રોકાણની મર્યાદા રૂ. 1000 છે.
- આ સ્કીમમાં જમા રકમ પર ત્રિમાસિક ધોરણે વ્યાજ મળે છે.
- આ યોજના 5 વર્ષ પછી પરિપક્વ થાય છે.
- કોઈપણ વ્યક્તિ જેની ઉંમર 60 વર્ષ કે તેથી વધુ છે તે આ યોજનામાં રોકાણ કરી શકે છે.
- જ્યારે, વીઆરએસ લેતા સિવિલ સેક્ટરના સરકારી કર્મચારીઓ અને સંરક્ષણમાંથી નિવૃત્ત થયેલા લોકોને અમુક શરતો સાથે વયમાં છૂટ આપવામાં આવે છે.
માત્ર વ્યાજથી કમાઈ શકો છો 12,30,000 રૂપિયા
જો તમે ઇચ્છો તો, તમે વરિષ્ઠ નાગરિક બચત યોજનામાંથી માત્ર વ્યાજ દ્વારા 12,30,000 રૂપિયા સુધીની કમાણી કરી શકો છો. પરંતુ આ માટે તમારે SCSS ખાતામાં 30,00,000 રૂપિયા જમા કરાવવા પડશે. જો તમે આ સ્કીમમાં 30,00,000 રૂપિયા જમા કરાવો છો, તો તમને 5 વર્ષમાં 8.2 ટકાના દરે વ્યાજ મળશે. SCSS કેલ્ક્યુલેટર મુજબ, આ વ્યાજ 12,30,000 રૂપિયા હશે. એટલે કે 5 વર્ષ પછી તમને 42,30,000 રૂપિયાની મેચ્યોરિટી રકમ મળશે.
જો તમે 5 વર્ષ પછી પણ આ યોજનાના લાભો ચાલુ રાખવા માંગતા હો, તો જમા રકમની પાકતી મુદત પછી, તમે ખાતાની અવધિ ત્રણ વર્ષ સુધી વધારી શકો છો. તેને મેચ્યોરિટીના 1 વર્ષની અંદર વધારી શકાય છે.
