টোলগেট নিৰ্মান কাৰ্য বন্ধ কৰাৰ দাবীত ৰঙামাটিত প্ৰতিবাদ

টোলগেট নিৰ্মানৰ বিৰোধিতাৰে দেৰগাৱঁৰ ৰঙামাটিত নিৰ্মান হৈ থকা টোলগেটৰ সন্মুখত ছাত্ৰ মুক্তি সংগ্ৰাম সমিতিৰ উত্তাল প্ৰতিবাদ সাব্যস্ত ৷ টোলগেট খনৰ নিৰ্মান কাৰ্য বন্ধ কৰাৰ দাবীত হাতে-হাতে প্লে কাৰ্ডলৈ মানৱ শৃংখল কাৰ্যসূচী ৰূপায়ন কৰে ছাত্ৰ মুক্তি সংগ্ৰাম সমিতিৰ সদস্য সকলে ৷ লগতে টোলগেট নালাগে, দলং বনাওক ৷ অসম চৰকাৰ হায় হায় আদি বিভিন্ন চৰকাৰ বিৰোধী শ্ল'গানেৰে পৰিৱেশ উত্তাল কৰি তোলে প্ৰতিবাদকাৰী সকলে ৷ এই প্ৰতিবাদলৈ স্থানীয় জনতায়ো সঁহাৰি জনাই ৷ উল্লেখ্য যে, টোলগেট বন্ধ কৰাৰ দাবীৰে কেইদিনমানৰ পূৰ্বে সংবাদমেল যোগে ছাত্ৰ সংগঠনটোৱে আন্দোলনৰ হুংকাৰ দিছিল ৷ ইয়াৰ পাছতে শনিবাৰে ছাত্ৰ সংগঠনটোৱে এই প্ৰতিবাদী কাৰ্যসূচী হাতত লয় ৷ প্ৰতিবাদস্থলীত বৃহৎ সংখ্যক নিৰাপত্তাৰক্ষী মোতায়েন কৰা হয় ৷