ম’বাইল অবিহনে জীয়াই থকাটো আজিকালি এক প্ৰকাৰ অসম্ভৱ হৈ পৰিছে ৷ অধিকাংশৰে স্মাৰ্টফোনৰ প্ৰতি আসক্তি ইমানেই বাঢ়িছে যে, যদি আপুনি ইয়াক অলপ সময়ৰ বাবে ব্যৱহাৰ নকৰে, তেন্তে দিনটো পাৰ কৰা টান হৈ পৰে ৷ দীঘলীয়া সময়ৰ বাবে ম’বাইল ফোন ব্যৱহাৰ কৰাটো চকুৰ বাবে বিপদজনক হ'ব পাৰে ৷ ইয়াৰ ফলত আপুনি স্মাৰ্টফোন ভিজন চিণ্ড্ৰমৰ ভুক্তভোগী হ'ব পাৰে ৷ স্মাৰ্টফোন ভিজন চিণ্ড্ৰমৰ লক্ষণ আৰু ই চকুৰ কিদৰে ক্ষতিসাধন কৰে, সেই বিষয়ে জানি লও আহক-
- স্মাৰ্টফোন ভিজন চিণ্ড্ৰম কি ?
দীঘলীয়া সময়ৰ বাবে ম’বাইল ফোন ব্যৱহাৰ কৰাৰ বাবে মানুহৰ চকুত সমস্যা হ'বলৈ আৰম্ভ কৰে, ইয়াকেই সাধাৰণতে স্মাৰ্টফোন ভিজন চিণ্ড্ৰম বুলি কোৱা হয় ৷ যেতিয়া এজন ব্যক্তিৰ স্মাৰ্টফোন ভিজন চিণ্ড্ৰম থাকে, তেওঁৰ বহু গুৰুতৰ চকুৰ সমস্যাত ভূগিব পাৰে ৷ স্মাৰ্টফোন ভিজন চিণ্ড্ৰমক কম্পিউটাৰ ভিজন চিণ্ড্ৰম আৰু ডিজিটেল ভিজন চিণ্ড্ৰম বুলিও কোৱা হয় ৷ যদি ইয়াক উপেক্ষা কৰা হয়, ই দৃষ্টিশক্তি কাঢ়ি নিব পাৰে ৷ যদিও বিশেষজ্ঞসকলে কয় যে ম'বাইল আৰু অন্ধত্বৰ বিষয়ে কোনো নিৰ্দিষ্ট অধ্যয়ন বৰ্তমানলৈ হোৱা নাই, তথাপিও আপুনি কিছুমান দিশত বিশেষ যত্ন লৈ নিজকে ইয়াৰ বিপদজনক লক্ষণৰ পৰা সুৰক্ষিত কৰিব পাৰে ৷
- স্ক্ৰীণৰ উজ্জ্বলতা কম ৰাখিব
স্মাৰ্টফোনৰ অত্যাধিক পোহৰ চকুৰ বাবে ভাল নহয়, সেয়েহে স্মাৰ্টফোনৰ স্ক্ৰীণৰ উজ্জ্বলতা কম ৰাখিব ৷ আপুনি স্বয়ংক্ৰিয় উজ্জ্বলতা ছেটিং অন কৰিও ৰাখিব পাৰে ৷ এনে কৰাৰ ফলত স্ক্ৰীণৰ উজ্জ্বলতা আপোনাৰ প্ৰয়োজন অনুসৰি হ'ব ৷ এই পোহৰে আপোনাৰ চকুত কোনো ধৰণৰ বিৰূপ প্ৰভাৱ পেলাব নোৱাৰে ৷
- স্মাৰ্টফোনৰ পৰা দূৰত্ব বজাই ৰাখক
স্মাৰ্টফোনৰ ব্যৱহাৰ যিমান পাৰে কম কৰিবলৈ চেষ্টা কৰিব ৷ যদি ই আপোনাৰ বাবে সম্ভৱ নহয়, তেতিয়া চকুৰ পৰা কমেও ১৬-১৮ ইঞ্চি দূৰত্বৰ পৰা স্মাৰ্টফোনটো ব্যৱহাৰ কৰক ৷ কিবা সমস্যা হ'লে স্ক্ৰীণখন জুম কৰি ল’ব ৷
- আখৰৰ আকাৰ ডাঙৰ কৰি ৰাখিব
স্মাৰ্টফোনটোৰ সৰু আখৰৰ বাবে চকুৰ ওপৰত যথেষ্ট চাপ পৰে, যাৰ ফলত দৃষ্টিশক্তি হ্ৰাস হ'বলৈ আৰম্ভ কৰে ৷ এনে পৰিস্থিতিত, আপুনি স্মাৰ্টফোনৰ আখৰৰ আকাৰ ডাঙৰ কৰি ৰাখিব লাগে ৷
- কেতিয়াও আন্ধাৰত ফোন ব্যৱহাৰ নকৰিব
আন্ধাৰত কেতিয়াও স্মাৰ্টফোন ব্যৱহাৰ নকৰিব ৷ ই চকুক খুব বেয়াকৈ প্ৰভাৱিত কৰে ৷ যাৰ ফলত আপুনি দৃষ্টিশক্তিও হেৰুৱাব পাৰে ৷ সেয়েহে নিশা সদায় লাইট জ্বলাইহে স্মাৰ্টফোন ব্যৱহাৰ কৰিব ৷
লগতে পঢ়ক: Constipation Remedies: নাইকিয়া হ’ব কোষ্ঠকাঠিন্য; কেৱল প্ৰতিদিনে পুৱা তিয়াই খাওক এইবিধ ফল
