সমগ্ৰ দেশতে ডেংগুয়ে এতিয়া ভয়াৱহ ৰূপ ধাৰণ কৰিছে ৷ কেৱল সেয়াই নহয় অসমতো ইয়াৰ প্ৰকোপ ক্ৰমাৎ বৃদ্ধি পাইছে ৷ শেহতীয়াকৈ ভাৰতীয় ক্ৰিকেট দলৰ খেলুৱৈ শুভমান গিলো ডেংগুত আক্ৰান্ত হৈছিল ৷ কেৱল প্ৰাপ্তবয়স্কৰ লোকৰ ক্ষেত্ৰতেই নহয়, শিশুৰ ক্ষেত্ৰতো ডেংগুৰ সংক্ৰমণ দ্ৰুতগতিত বৃদ্ধি পাবলৈ ধৰিছে ৷ এনে পৰিস্থিতিত অভিভাৱকসকলে অধিক সাৱধানতা অৱলম্বন কৰাটো খুবেই জৰুৰী ৷ শিশুৰ ক্ষেত্ৰত ডেংগুৰ লক্ষণবোৰ কি আৰু তেওঁলোকক ডেংগুৰ পৰা কিদৰে সুৰক্ষিত কৰি ৰাখিব পাৰি, আজি সেই বিষয়ে আজি জানো আহক-
শিশুৰ ক্ষেত্ৰত ডেংগু কিমান বিপদজনক ?
স্বাস্থ্য বিশেষজ্ঞসকলৰ মতে, ডেংগু হৈছে নে নাই জনাটো কঠিন হ’ব পাৰে, কাৰণ ডেংগুত আক্ৰান্ত বেছিভাগ মানুহৰে কোনো লক্ষণ দেখা নাযায় । ৷ অৱশ্যে, ডেংগুৰ লক্ষণবোৰ প্ৰাপ্তবয়স্কৰ তুলনাত শিশুৰ ক্ষেত্ৰত অলপ বেলেগ হয় ৷ যদি শিশুৰ দেহত ডেংগুৰ লক্ষণ দেখা যায় তেন্তে শিশুৰ আন সাধাৰণ সংক্ৰমণৰ দৰেই দেখাব পাৰে । সেয়ে যদি শিশুৰ দেহতো যদি তলত উল্লেখিত এই লক্ষণসমূহ দেখা দিয়ে তেন্তে তৎক্ষণাত চিকিৎসকৰ পৰামৰ্শ গ্ৰহণ কৰাটো উচিত
লক্ষণ
- তীব্ৰ জ্বৰ
- অত্যাধিক বমি
- শৰীৰত দাগ
- নাকৰ পৰা ৰক্তক্ষৰণ
- পেশী আৰু গাঁঠিৰ বিষ
- তীব্ৰ মূৰৰ বিষ
- ওকট পাকট লগা
- বমি হোৱা
ডেংগুৰ পৰা শিশুসকলক পিতৃ-মাতৃয়ে কিদৰে সুৰক্ষা দিব ?
- শিশুক ডেংগুৰ পৰা সুৰক্ষিত কৰি ৰাখিবলৈ আপুনি আপোনাৰ ঘৰৰ চাৰিওফালটো পৰিস্কাৰ কৰি ৰাখিব ৷ পানী জমা হ’ব পৰাকৈ ঘৰৰ বাহিৰত একো সা-সামগ্ৰী নাৰাখিব ৷
- খোৱা পানীৰ পাত্ৰ আৰু পানীৰ টেংকীটো সঘনাই পৰিস্কাৰ কৰিব ৷
- যদি আপুনি ঘৰত কুলাৰ ব্যৱহাৰ কৰে, তেন্তে ইয়াৰ পানী দৈনিক সলনি কৰিব ৷
- যদি শিশুটোৰ শৰীৰটোত ঠাণ্ডা অনুভৱ কৰে, লগে লগে চিকিৎসকৰ ওচৰলৈ লৈ যাব ৷
