সন্ধিয়া সময়ত আমি প্ৰায়েই বন্ধুবৰ্গ বা পৰিয়ালৰ সৈতে চাহৰ পাৰ্টি কৰোঁতে এবিধ সুস্বাদু স্নেক্স বিচাৰো ৷ কিন্তু সেই সময়ত আমাৰ হাতত ঘৰতে সহজতে তৈয়াৰ কৰিব পৰা স্নেক্সৰ বিকল্প খুব কমেই থাকে ৷ সেয়ে আমি আপোনাৰ বাবে লৈ আহিছো এটি সুস্বাদু ৰেচিপি (Tasty and crispy snacks) ৷ আপুনি নিশ্চয় বহুবাৰ সাধাৰণ আলুৰ ফ্ৰেঞ্চ ফ্ৰাইৰ সোৱাদ লৈছে কিন্তু আপুনি কেতিয়াবা মছলাযুক্ত ফ্ৰেঞ্চ ফ্ৰাই খাইছেনে । মছলাযুক্ত ফ্ৰেঞ্চ ফ্ৰাই কেৱল সন্ধিয়াৰ স্নেস্কছৰ বাবেই নহয় ঘৰত পাৰ্টিৰ বাবেও তৈয়াৰ কৰিব পাৰি(Tasty and crispy Masala French Fries at home) ।
এই স্নেক্স খাবলৈও অতি সুস্বাদু আৰু ইয়াৰ সোৱাদ কেৱল শিশুৱেই নহয়, বয়সস্থ লোকেও অতিকৈ ভাল পায় । আপুনি যিকোনো সময়তে চাহ, কফি বা শীতল পানীয়ৰ সৈতে এই ৰেচিপিৰ সহায়ত মছলাযুক্ত ফ্ৰেন্স ফ্ৰাই অতি সহজে ঘৰতে তৈয়াৰ কৰি খাব পাৰে । গতিকে জানো আহক সুস্বাদু মছলাযুক্ত ফ্ৰেঞ্চ ফ্ৰাই তৈয়াৰ কৰাৰ এই সহজ ৰেচিপি(Home made recipe) ।
Masala French Fries তৈয়াৰ কৰাৰ উপকৰণ
- ৪০০ গ্ৰাম ফ্ৰেঞ্চ ফ্ৰাই
- ১ চামুচ তেল
- ১ চামুচ কটা নহৰু
- ১ চামুচ কটা আদা
- ২ টা কেঁচা জলকীয়া, মিহিকৈ কাটি লোৱা
- ১টা সৰু পিঁয়াজ, মিহিকৈ কাটি লোৱা
- ১⁄২ চামুচ টমেটো চচ
- ১⁄২ চামুচ ৰঙা জলকীয়াৰ গুড়ি
- সোৱাদ অনুসৰি নিমখ
- ১ চামুচ চাট মছলা
- ১ চাহ চামুচ শুকান আমৰ গুড়ি
- এমুঠি কটা ধনীয়া
Masala French Fries কেনেকৈ তৈয়াৰ কৰাৰ পদ্ধতি
Masala French Fries তৈয়াৰ কৰিবলৈ প্ৰথমে কেৰাহীত অলপ তেল গৰম কৰি তাত কটা আদা আৰু নহৰু দি সুগন্ধি হোৱালৈকে ভাজিব । এতিয়া কেঁচা জলকীয়া দি ফুটিবলৈ দিয়ক(How to make Masala French Fries at home) ।
তাৰ পিছত পিঁয়াজখিনি সোণালী হোৱালৈকে ভাজিব । পিঁয়াজৰ ৰং গোলাপী হ’লে তাত টমেটো চচ দি ভালদৰে মিহলাই লওক । এতিয়া ৰঙা জলকীয়াৰ গুড়ি, নিমখ, চাট মছলা, শুকান আমৰ গুড়ি দি ভালদৰে মিহলাই লওক । এতিয়া জুইখিনি বন্ধ কৰি ফ্ৰেঞ্চ ফ্ৰাই দি সম্পূৰ্ণ মছলাখিনি মিহলি হোৱালৈকে টছ কৰক । ধনীয়া এমুঠি আৰু অলপ চাট মছলা ছটিয়াই গৰমে পৰিবেশন কৰক ।
লগতে পঢ়ক: Caffeine: কেফেইন আমাৰ স্বাস্থ্যৰ বাবে উপকাৰী নে অপকাৰী ?
