হাজাৰ হাজাৰ বছৰ ধৰি আলমণ্ড(Almond) ভাৰতীয় পৰম্পৰা আৰু খাদ্যাভ্যাসৰ অংশ হৈ আহিছে, আৰু ইয়াৰ স্বাস্থ্য উপকাৰিতাৰ বিষয়ে কেইবাটাও আয়ুৰ্বেদিক, ইউনানী, আৰু সিদ্ধ গ্ৰন্থত বহুলভাৱে উল্লেখ কৰা হৈছে । আনহাতে, এমুঠি আলমণ্ডৰ তৃপ্তিদায়ক গুণ থাকিব পাৰে যিয়ে পূৰ্ণতাৰ অনুভৱক প্ৰসাৰিত কৰে, যিয়ে খাদ্য খোৱাৰ মাজত ভোক আঁতৰাব পাৰে ।
আলমণ্ডৰ দৰে স্বাস্থ্যকৰ খাদ্য খালে আমি কেৱল জাংক খাই থকাৰ পৰা ৰক্ষা কৰাই নহয়, আমাৰ শৰীৰে পুষ্টি লাভ কৰাটোও নিশ্চিত কৰে, কিয়নো আলমণ্ডত ১৫টা পুষ্টিকৰ উপাদান যেনে ভিটামিন ই, মেগনেছিয়াম, প্ৰ’টিন, ৰাইব’ফ্লেভিন, জিংক, আদি থাকে । কেলিফৰ্ণিয়াৰ এলমণ্ড ব’ৰ্ডৰ ইন-হাউচ চেফৰ পৰা এই ৰেচিপিবোৰ ঘৰতে ট্ৰাই কৰক (Durga Puja 2022 Healthy Snacking Recipes)-
আলমণ্ড আৰু চিকেন মোমো(without shell)(Almond & Chicken Momos)
উপকৰণ: চিকেন কিমা- ২৫০ গ্ৰাম, নহৰু কাটি লোৱা- ১ চামুচ, গাজৰ মিহিকৈ কাটি লোৱা- ৩ চামুচ, সেউজীয়া পিয়াঁজ(Spring onions) মিহিকৈ কাটি লোৱা- ৩ চামুচ, আদা মিহিকৈ কাটি লোৱা - ১ চামুচ, চয়া চচ- ১ চামুচ, অইষ্টাৰ চচ - ১ চামুচ, তিলৰ তেল- ১ চামুচ, জালুকৰ গুড়ি- ১ চামুচ, কণী - ১ টা ফেটি নোলোৱা আৰু কটা আলমণ্ড- ১/২ কাপ, তেল - গ্রীজ কৰাৰ বাবে
পদ্ধতি: চিকেন কিমাখিনি এটা বাটিত থৈ দিব । আলমণ্ডৰ বাহিৰে সকলো উপাদান দি সমান আকাৰৰ বলত ভাগ কৰি লওক । এই বলবোৰ ব্লাঞ্চ কৰা আৰু কটা আলমণ্ডত গুড়ি কৰি সাৱধানে এই সৰু সৰু বলবোৰ তেল দিয়া প্লেট এখনত থৈ দিব । ষ্টীমাৰটো সাজু কৰি লওক আৰু এইবোৰ তীব্ৰ জুইত ১৫ মিনিট ভাপত দিব । আঁতৰাই গৰম গৰমে মোমোবোৰ পৰিবেশন কৰক ।
আলমণ্ড ক্ৰাষ্টেড তন্দুৰী মাছ(Almond Crusted Tandoori Fish)
উপকৰণ: আলমণ্ড স্লাইভাৰ (unpeeled) - ৫০ গ্ৰাম, জন ড'ৰী বা যিকোনো বগা মাছ - ১০০ গ্ৰাম, পাংকো ব্ৰেড ক্ৰামছ- ১৫ গ্ৰাম, মাখনৰ বাবে: মাখন - ৫০ গ্ৰাম, আদা আৰু নহৰুৰ পেষ্ট- ২ গ্ৰাম, ভিনেগাৰ- ৫ মিলিলিটাৰ, কাশ্মিৰী ৰঙা জলকীয়া গুড়ি- ২ গ্ৰাম, আজৱাইন- ১ গ্ৰাম, চাত মছলা- ২ গ্ৰাম, নিমখ- সোৱাদ অনুসৰি ।
পদ্ধতি: মাছৰ ফিলেট ধুই ৪" x ১.৫" টুকুৰা কৰি কাটি লওক । পৰিষ্কাৰ কিটছেন টাৱেল এখন ব্যৱহাৰ কৰি শুকুৱাই লওক । মছলা মাখনৰ বাবে সকলো উপাদানৰ সৈতে এটা পিহি লোৱা জাৰত কোমল মাখন ল’ব লাগে । মাখন গলি নোযোৱালৈকে সকলো উপাদান সুন্দৰকৈ মিহলি হোৱালৈকে ব্লিটজ কৰক । মছলা মাখনত পাংকো ব্ৰেড ক্ৰাম মিহলাই লওক । তেল দি গ্ৰীছ কৰা বেকিং ট্ৰে এখনত মাছৰ টুকুৰা থৈ প্ৰতিটো টুকুৰাত প্ৰায় ১০ গ্ৰাম মছলা মাখন সমানে বিস্তাৰ কৰক । তাৰ পিছত, মাছখিনিত আলমণ্ডৰ টুকুৰাৰে এটা লেয়াৰ দিব । মাখন দিয়া মাছখিনি পূৰ্বতে গৰম কৰা অভেনত ২০০ cত ৬-৮ মিনিট বেক কৰক । গৰমা গৰমে পৰিবেশন কৰক ।
বেকড আলমণ্ড কোফটা(Baked Almond Kofta)
কোফটাৰ বাবে উপকৰণ: আলু, সিজোৱা আৰু গুড়ি কৰা- ২ কাপ, জাইফল(Nutmeg) - এক চিকুট, গাখীৰ- ২ চামুচ, আলমণ্ড গুড়ি কৰা- ৩/৪ কাপ, সেউজীয়া পিয়াঁজ, কাটি লোৱা- ১/২ কাপ, ৰিফাইনড আটা- ১ চামুচ, কণী - ১ টা, নিমখ- 3/4tsp, জলকীয়া - 1/2tsp, Crumbingৰ উপাদান: কণী- 2 টা, ৰিফাইনড আটা- কোটিঙৰ বাবে , শুকান breadcrumbs- কোটিঙৰ বাবে ৷
পদ্ধতি: এটা বাটিত আলু পিটিকাখিনি দি আলমণ্ড, নিমখ, জলকীয়া, জাইফল, গাখীৰ, সেউজীয়া পিয়াঁজ, আটা, আৰু ২টা কণী দিব । ভালদৰে মিহলাই ১৫ মিনিট ফ্ৰীজত থৈ দিব। এতিয়া সিহঁতক সমান আকাৰৰ কোফটাত গুড়ি কৰি লওক । আটা, ফেটি লোৱা কণী, আৰু ব্ৰেডক্ৰামবোৰ বেলেগ বেলেগ প্লেটত পৃথকে পৃথকে ৰাখিব । প্ৰতিটো কোফটা আটা দি ঢাকি থৈ ফেটি লোৱা কণীত ডুবাই দিব । তাৰ পিছত ব্ৰেডক্ৰামবোৰত ভালকৈ ৰোল এটা দিব লাগে । এতিয়া অভেনত ২০০ ডিগ্ৰী ছেলচিয়াচত লৈ গৰম কৰি কোফটাবোৰ সোণালী ৰঙৰ হোৱালৈকে বেক কৰক । গৰমা গৰমে পৰিবেশন কৰক ।
লগতে পঢ়ক: উপবাসৰ সময়ত জলপান আৰু অন্যান্য খাদ্য গ্ৰহণৰ সময়ত সাৱধান হওক
