বৰ্তমান সময়ত আমাৰ জীৱনশৈলী আৰু খাদ্যাভ্যাসত বহু পৰিৱৰ্তন হৈছে ৷ সময়মতে খাদ্য নোখোৱা আৰু তেলীয়া খাদ্য সেৱনৰ অভ্যাসে পেটৰ সমস্যা বৃদ্ধি কৰিছে ৷ যদি আপুনি কিবা ভুল খাদ্য খাই আছে আৰু দৈনন্দিন খাদ্যত ফাইবাৰ ভিত্তিক খাদ্য অন্তৰ্ভুক্ত নকৰে তেন্তে কোষ্ঠকাঠিন্য অনিবাৰ্য ৷ ইয়াৰ বাবে আপুনি নিজেই দায়ী ৷ কোষ্ঠকাঠিন্যৰ পৰা মুক্তি পাবলৈ আমি কোনবোৰ খাদ্য গ্ৰহণ কৰিব লাগে জানো আহক-
এইবোৰ বস্তুৰ সহায়ত কোষ্ঠকাঠিন্য আৰোগ্য হ’ব
১) দালিয়া
দালিয়া আঁহেৰে সমৃদ্ধ এক উৎস, ইয়াত বহুতো গুৰুত্বপূৰ্ণ ভিটামিন পোৱা যায়, যাৰ সহায়ত কোষ্ঠকাঠিন্য ভাল হয় ৷ এইখিনি খালে পেটটো লঘু হৈ থাকে আৰু হজম শক্তিও উন্নত হয় ৷
২) ডিমৰু
ডিমৰুক যাদুকৰী ফল বুলি ক’লে হয়তো ভুল নহ’ব, কাৰণ ই কোষ্ঠকাঠিন্যৰ পৰা তৎক্ষণাত সকাহ দিয়ে ৷ যদি আপুনি উত্তম ফলাফল বিচাৰে তেন্তে ডিমৰু গৰম পানীত তিয়াই খাব ৷ যিহেতু ইয়াত প্ৰচুৰ পৰিমাণে আঁহ থাকে, গতিকে ই পাচনতন্ত্ৰক ভালকৈ ৰাখে ৷
৩) গাখীৰ আৰু ঘিউ
সাধাৰণতে মানুহে নাজানে যে গাখীৰ আৰু ঘিউৰ সহায়ত কোষ্ঠকাঠিন্যক নিৰাময় কৰিব পাৰি ৷ ইয়াৰ বাবে একাপ গৰম গাখীৰত ২ চামুচ ঘিউ দি নিশা শুবলৈ যোৱাৰ পূৰ্বে এই গাখীৰ সেৱন কৰিব পাৰে ৷
৪) মুলেঠী
মুলেঠীক আয়ুৰ্বেদৰ ধন বুলি কোৱা হয় ৷ এচামুচ মুলেঠীৰ গুড়িত আধা চামুচ গুড় মিহলাই তাৰ পিছত একাপ গৰম পানীত মিহলাই খাব ৷ এই বনৌষধিবিধে কোষ্ঠকাঠিন্যক এক উৎকৃষ্টভাৱে আক্ৰমণ কৰে ৷
৫) পানী
যদি আপুনি কোষ্ঠকাঠিন্যৰ পৰা আঁতৰি থাকিব বিচাৰে তেন্তে নিয়মিতভাৱে পানী খোৱাটো গুৰুত্বপূৰ্ণ ৷ কোষ্ঠকাঠিন্যৰ অন্যতম সাধাৰণ কাৰণ হৈছে ডিহাইড্ৰেচন বা শৰীৰত পানীৰ অভাৱ হোৱা, ইয়াৰ পৰা হাত সাৰিবলৈ আপোনাৰ শৰীৰত পানীৰ পৰিমাণ কমি যোৱাটো গুৰুত্বপূৰ্ণ ৷
লগতে পঢ়ক: কেৱল যকৃতেই নহয় আপোনাৰ হৃদযন্ত্ৰৰ প্ৰতিও ভাবুকি কঢ়িয়াব পাৰে ডেংগুৱে: গৱেষণা
