নিউজ ডেস্ক, 19 জুন : আজি পুৱা 10:30 বজাত 'ভইছ অৱ নৰ্থ ইষ্ট'ৰ সহযোগত আয়োজন কৰা হ'ব এক চীন বিৰোধী ৰেলী ৷ তিন মূৰ্তি চৌকৰ পৰা ভাৰতস্থিত চীনা দূতাবাসলৈ এই ৰেলীৰ আয়োজন কৰা হ'ব ৷
প্ৰতিবাদৰ সময়ছোৱাত সামাজিক দূৰত্ব মানি চলাৰ লগতে মাস্ক আৰু ছেনিটাইজাৰ নিজৰ সৈতে ৰাখিবলৈ প্ৰতিবাদকাৰী সকলক আহ্বান জনোৱা হৈছে ৷
সমগ্ৰ দেশৰ লগতে অসমতো চীনৰ বিৰুদ্ধে প্ৰতিবাদ সাব্যস্ত কৰা হয় ৷ ওদালগুৰি জিলাত চীনৰ ৰাষ্ট্ৰপতি ঝি জিনপিঙৰ প্ৰতিকৃতি দাহ কৰে আন্তঃ ৰাষ্ট্ৰীয় হিন্দু পৰিষদ আৰু ৰাষ্ট্ৰীয় বজৰং দলে ৷
উল্লেখ্য যে, 15 জুনত লাডাখৰ গলৱান উপত্যকাৰ চীন-ভাৰত সীমান্তত দুই পক্ষৰ সংঘৰ্ষত 20 জনকৈ ভাৰতীয় সেনা জোৱানে প্ৰাণ হেৰুৱাইছিল ৷
আৰু পঢ়ক : চীনৰ বিৰুদ্ধে ওদালগুৰিত প্ৰতিবাদ
