তিনিচুকীয়া, 30 ডিচেম্বৰ : 10 দিনে ধাৰাবাহিক ভাৱে পুহ মাহৰ ঠাণ্ডাত প্ৰতিবাদ কৰি মঙলবাৰে নিশা এগৰাকী 55 বছৰীয়া মহিলা প্ৰতিবাদকাৰীৰ মৃত্যু হয় ৷ উল্লেখযোগ্য যে, লাইকা দধিয়াবাসীয়ে পুনৰ সংস্থাপন বিচৰি কৰা প্ৰতিবাদত শ্বহীদ হ'ল ৰেৱতী পাউ নামৰ এগৰাকী মহিলা ।
তিনিচুকীয়াৰ বৰগুৰিত TMPK,MMK,TMMK তিনিচুকীয়া জিলা সমিতিৰ উদ্যোগত বৃহত্তৰ লাইকা-দধিয়াবাসীয়ে নিজৰ পুনৰ সংস্থাপন বিচাৰি আৰু ডিব্ৰু-ছৈখোৱা ৰাষ্ট্ৰীয় উদ্যানৰ জৈৱ বৈচিত্ৰ্য সংৰক্ষণৰ দাবীত যোৱা ২০ তাৰিখৰ পৰা কৰি অহা অনিৰ্দিষ্টকালীন অৱস্থান ধৰ্মঘট প্ৰতিবাদী কাৰ্যসূচীয়ে আজি অতিক্ৰম কৰিলে 10টা দিন ।
কিন্তু চৰকাৰ-প্ৰশাসনৰ কোনো ধৰণৰ সঁহাৰি পোৱা নাই লাইকা-দধিয়াবাসী মিচিং সম্প্ৰদায়ৰ ৰাইজে । পুহ মাহৰ জাৰকো নেওচি কণ-কণ শিশুক কোলাত লৈ যমৰ যান্তনাৰে দিন-ৰাতি কটাইছে লাইকা-দধিয়াবাসী ৰাইজে । ইপিনে 10 দিনে পুহ মাহৰ ঠাণ্ডাত প্ৰতিবাদ কৰি,অৱশেষত ঠাণ্ডা সহিব নোৱাৰি ঘৰলৈ উভতি যোৱাৰ পথত 55 বছৰীয়া এগৰাকী প্ৰতিবাদকাৰী মহিলাৰ মঙলবাৰে নিশা মৃত্যু হয় ৷ লগতে আৰু দুগৰাকী শাৰীৰিকভাৱে অসুস্থ হৈ পৰে। তেওঁলোকক তাৎক্ষণিকভাৱে তিনিচুকীয়া অসামৰিক চিকিৎসালয়লৈ প্ৰেৰণ কৰা হয় ।
উল্লেখযোগ্য যে প্ৰায় ১৪ ৰ পৰা ৮০ টা পৰিয়ালে নিজৰ জীয়াই থকাৰ অধিকাৰ আৰু বসবাস কৰিবলৈ এডোখৰ মাটিৰ লগতে ডিব্ৰু-ছৈখোৱা ৰাষ্ট্ৰীয় উদ্যানক প্ৰকৃত ৰাষ্ট্ৰীয় উদ্যান হিচাপে সংৰক্ষণ কৰাৰ দাবীত এক যমৰ যান্ত্ৰণাত দিন ৰাতি কটাবলগীয়া হৈছে স্থানীয় ৰাইজ । অসমৰ খিলঞ্জীয়াৰেই যদি এই অৱস্থা হয় তেন্তে পৰৱৰ্তী সময়ত জাতি মাটি ভেটিৰ কথা কোৱা বিজেপি নেতৃত্বাধীন চৰকাৰখনে কেনেকৈ জাতি মাটি ভেটি সুৰক্ষা কৰিব সেয়াহে লক্ষণীয় হ'ব ।
লগতে পঢ়ক: কা আন্দোলনৰ মাজতে ডিব্ৰুগড়ত আছু
